03.09.2026 | 15:26
Ո՛չ քննարկել ենք, ո՛չ էլ մեր մտքով նման բան է անցել․ Փաշինյանը՝ ՌԴ քաղաքացիների համար վիզա ներդնելու մասին․ ՏԵՍԱՆՅՈՒԹ
Ի՞նչ է փոխվել Ձեզ մոտ ընդդիմադիրից իշխանական դառնալուց հետո․ Գորգիսյանը՝ Զեյնալյանին․ ՏԵՍԱՆՅՈՒԹ
Քաղաքականություն
17.04.2019 | 11:55
Ազգային ժողովի հերթական նիստում շարունակվում է կառավարության կառուցվածքի քննարկումը:
Նախագծի հիմնական զեկուցող արդարադատության նախարար Արտակ Զեյնալյանին ԱԺ ԼՀԿ խմբակցության պատգամավոր Գևորգ Գորգիսյանը հիշեցրեց, թե ինչպես էր պատգամավոր Արտակ Զեյնալյանը քննադատում հրատապ կարգով ԱԺ բերված նախագծերը։
«Ձեր ընդդիմադիր պատգամավորական գործունեության ընթացքում սկզբունքորեն հետևում և քննադատում էիք իշխանությանը, երբ նրանք կարևոր որոշումները և նախագծերը հապճեպ էին բերում ԱԺ: Հիմա մենք ունենք կառավարության կառուցվածքի պես կարևոր և լուրջ նախագիծ, որը արտահերթ նիստում համապատասխան հանձնաժողովում քննարկվեց շատ կարճ՝ պատճառաբանվելով, որ ժամը 4-ին լինելու է խորհրդի նիստ»,- ասաց Գորգիսյանը նշելով, որ իրենց խմբակցության ներկայացրած առաջարկները կառավարության ծրագրի վերաբերյալ չեն քննարկվել, որոնք տեղադրված են եղել նաև e-draft-ում կայքում։
Պատգամավորի հարցին ի պատասխան՝ Զեյնալյանը նշեց, որ իր սկզբունքայնության վերաբերյալ Գորգիսյանի հարցադրումը բացարձակ այսօրվա օրակարգի հետ առնչություն չունի, և դա քաղաքական փոքրամասնության հնարքներից է, որը նա բանեցնում է։
Իսկ ինչ վերաբերում է e-draft կայքում տեղադրված առաջարկներին, ապա արված բոլոր առաջարկությունները կառավարությունում քննարկվել են։
Մանրամասները՝ տեսանյութում։
Աղավնի Սուքիասյան
