16.01.2026 | 16:53
36-ամյա տղամարդը ԲԿ-ի պահեստից 11 հենակ էր գողացել, դեղատնից՝ 30 տուփ դեղորայք
Ինտուիցիան կարող է չարդարացնել․ Մանե Թանդիլյանը՝ Արտակ Զեյնալյանին․ ՏԵՍԱՆՅՈՒԹ
Քաղաքականություն
17.04.2019 | 11:26
Ազգային ժողովի «Լուսավոր Հայաստան» խմբակցության պատգամավոր Մանե Թանդիլյանը արդարադատության նախարար Արտակ Զեյնալյանից նախարարությունների կրճատման հետ կապված ցանկացած հիմնավորում սպասում էր, բացի նրանից, որ դա ինտուիցիա է և համոզմունք։
«Այսինքն` որևէ հաշվարկ, տեսլական, պատկերացում չէ, այլ ինտուիցիա է։ Զարմանալի է, որ օրինակ, ՊԵԿ մի ամբողջ համակարգ թողնել այս ձևով գործելը ինտուիցիա է»,- ասաց նա՝ հիշեցնելով, որ ՊԵԿ-ը հինգ տեղակալ ունի, վարչապետը երկու փոխվարչապետ ունի, և հետևաբար հարց է առաջանում՝ ադյոք դա՞ է օպտիմալացումը։
«ՊԵԿ-ը վարչարարություն իրականացնող մարմին է, իր ամբողջ հարկային տեսուչների, տեսչությունների, պետերի ամբողջ ցանցով, որը շարունակվում է դուրս մնալ խորհրդարանական վերահսկողության գործառույթից։ Այնինչ մենք ասում ենք, որ այնպիսի վարչարարություն լինի, պարզ հարկային քաղաքականություն, որով ՊԵԿ-ը չի լինի մահակ տնտեսավարողների գլխին, այլ կամավորության սկզբունքով պետք է ներկայանա մեր հանրությանը: Բայց ոչ, շարունակում ենք թողնել այդպիսի հզոր կառույց և ասում, որ աուրա ենք ստեղծում բիզնեսի զարգացմանը, բայց այդպես չի լինում»,- ասաց պատգամավորը՝ անդրադառնալով այլ նախարարությունների կրճատման հետ կապված խնդիրներին ևս։
«Հիմա հասկանում եմ՝ ինչու ինտուիցիան կարող է և չարդարացվել»,- ելույթը եզրափակեց պատգամավորը։
Մանրամասները՝ տեսանյութում։
Աղավնի Սուքիասյան
