09.06.2026 | 00:17
Մարկո Ռուբիոն շնորհավորել է Փաշինյանին
Էդմոն Մարուքյանը Սերժ Սարգսյանի հագով կարած կոստյումի մասին խոսելիս ստիպված եղավ իր կոստյումը հանել. ՏԵՍԱՆՅՈՒԹ
Քաղաքականություն
17.04.2019 | 11:07
Ազգային ժողովում Կառավարության կառուցվածքի փոփոխության հարցի քննարկման ժամանակ ԱԺ ԼՀԿ խմբակցության պատգամավոր Էդմոն Մարուքյանը՝ դիմելով քաղաքական մեծամասնությանը՝ նշեց, որ այս նախագծով որևէ արատավոր երևույթ չի փոխվել։
Մարուքյանը պնդեց՝ «Կառավարության այս կառուցվածքի փոփոխությունը գրեթե նույն «Սերժ Սարգսյանի կոստյումն» է:
«Հիմա դուք բերել եք նախագիծ, որով առաջարկում եք անել հետևյալ բանը՝ սա կոստյումն է, այս կոստյումի կոճակները տեսնո՞ւմ եք, այս կոճակներից երկուսը հանում եք, մյուս կողմից էլ երկու կոճակ եք հանում ու ասում եք՝ այս կոստյումը մենք այսպես հագնում ենք, սա լավ կոստյում է»,- ասաց Մարուքյանը՝ հանելով իր կոստյումը։
Մարուքյանը շեշտեց, որ այս կոստյումը, որը կարվել էր «Սերժ Սարգսյանի հագով», չի փոխվել և այդ սուպերվարչապետական համակարգը մնացել է ուժի մեջ:
«Ասում եք՝ կասկածներ չունենաք: Մենք կասկածներ ոչ թե ունենք, այլ մենք ձեզ ասում ենք՝ ինչո՞ւ վարչապետի խոստումը չեք կատարել այս նախագծով: Իսկ վարչապետն այս ամբիոնից ասել է՝ գտնում եմ, որ ԱԱԾ-ն ու Ոստիկանությունը պետք է դառնան նախարարություններ, հետևաբար մտնելու են կառավարության կառուցվածք»,- ասաց նա:
Մանրամասները՝ տեսանյությում։
Աղավնի Սուքիասյն
