14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Տրանսգենդերի ելույթի և դրա շուրջ բարձրացված աղմուկի պատճառով ԵԽԽՎ-ում հնարավոր է Հայաստանի դեմ բանաձև ընդունվի. Մարուքյան. ՏԵՍԱՆՅՈՒԹ
Քաղաքականություն
16.04.2019 | 15:56
Եվրոպայի խորհրդի խորհրդարանական վեհաժողովում առաջիկայում հնարավոր է՝ ընդունվի բանաձև ընդդեմ Հայաստանի, այդ բանաձևի ընդունման պատճառն էլ տրանսգենդերի ելույթն էր և դրա շուրջ բարձրացված աղմուկը։ Ազգային ժողովում լրագրողների հետ զրույցում այս մասին ասաց ԵԽԽՎ հայաստանյան պատվիրակության անդամ, ԼՀԿ խմբակցության ղեկավար Էդմոն Մարուքյանը։
«Նախագծում Հայաստանին վերաբերվող դոմինանտ հատված կա, որը խորհրդարանի ներսում, դրսում տեղի ունեցած քննարկումների արդյունք է։ Հայաստանը հիմա դրա հետ կապված խնդիր է ունենալու, հիմա շնորհակալություն ձեզ, որ այդ հարցը շատ հետևողական կերպով արեցիք, որ անպայման Հայաստանի հետ կապված պրոբլեմ առաջանա»,- ընդգծեց նա՝ քննադատելով նաև լրագրողներին, որոնք այդ թեման լուսաբանել են։
Մարուքյանի փոխանցմամբ՝ եթե բանաձևն ընդունվի, ապա Հայաստանը դատապարտվող երկրների ցանկում է կլինի։
«Ես այդ հանձնաժողովի անդամ եմ, փոխարինողը Վլադիմիր Վարդանյանն է, ես ու Վլադիմիրը պետք է այնտեղ մեր երկրի անունից փորձենք պատասխանել։ Բանաձևում կա ձևակերպում, որ Հավարավային Կովկասի 3 երկրում՝ Վրաստան, Ադրբեջան, Հայաստան, կա իրավունքի խախատում։ Մեզ հավասար են դնում Ադրբեջանի հետ, ինչը շատ վատ է,»,- հավելեց Էդմոն Մարուքյանը։
Մանրամասները՝ տեսանյութում։
Շողիկ Գալստյան
