08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռոբերտ Քոչարյանն ընդդեմ Սիլվա Համբարձումյանի գործի քննությունը հետաձգվեց 5 ամսով
Հասարակություն
16.04.2019 | 15:11
Ռոբերտ Քոչարյանն ընդդեմ Սիլվա Համբարձումյանի գործով այսօր նշանակված նախնական դատական նիստին դատարան չէին ներկայացել Համբարձումյանն ու նրա ներկայացուցիչը։ Վերջինս, օրեր առաջ ասել էր, որ ծանուցում չի ստացել, հակառակ դեպքում խնդիր չի տեսնում նիստերին գնալու։ Այսօրվա նիստին նախագահող դատավոր Էդիկ Ավետիսյանը հաստատեց, որ Համբարձումյանը պատշաճ ծանուցված չէ դատական նիստի մասին: Այդ իսկ պատճառով նիստը պետք է հետաձգվի։
Քոչարյանի ներկայացուցիչ Արամ Օրբելյանը դատարանին տրամադրեց Համբարձումյանի հաշվառման վայրի երկու հասցե` նրան պատշաճ ծանուցելու համար: Պատասխանող կողմին պատշաճ ծանուցելու համար նիստը հետաձգվեց և նշանակվեց մոտ կես տարի հետո՝ սեպտեմբերի 26-ին: Չնայած, որ հայցվոր կողմը առարկեց, դատարանը, այնուամենայնիվ, անփոփոխ թողեց նիստի օրը։
Հիշեցնենք, որ Ռ․ Քոչարյանի ներկայացուցիչները դիմել են դատարանին՝ զրպարտություն հանդիսացող փաստացի տվյալները հերքելու և երկու միլիոն ՀՀ դրամ փոխհատուցում բռնագանձելու պահանջներով: Ընդդեմ Սիլվա Համբարձումյանի հայցադիմում ներկայացնելու հիմք է հանդիսացել այն, որ Սիլվա Համբարձումյանը 2018 թվականի նոյեմբերի 2-ին ասուլիսի ժամանակ հնչեցրել է հետևյալ արտահայտությունը․ «Ես 2008 թվականին խոշոր գործարք եմ արել արաբների հետ և ինձ չխանգարելու համար վճարել եմ և՛ հանրապետության նախագահին՝ Քոչարյան Ռոբերտին և՛ ․․․»:
Լիլիթ Շաբոյան
