14.12.2024 | 19:57
Ինչ իրավիճակ է ճանապարհներին 19։35-ի դրությամբ
Խոշտանգումները, ցուցմունք կորզելը մնացել են անցյալում. Արտակ Զեյնալյան. ՏԵՍԱՆՅՈՒԹ
Հասարակություն
16.04.2019 | 12:33
Մեր երկրում իշխանություններն այլևս ձևավորվում են ժողովրդի կամքով, և այսուհետ Ոստիկանությունը, ոստիկանը չպետք է ընկալվի և չի ընկալվելու որպես պետաիշխանական կարգադրիչ լիազորություն, հարկադրանքի միջոց բանեցնող մարդ: ՀՀ Ոստիկանության 101-ամյակի առիթով կազմակերպված միջոցառման ժամանակ ունեցած ելույթում այս մասին ասաց արդարադատության նախարար Արտակ Զեյնալյանը:
«Նա պետք է ընկալվի որպես իրավապաշտպան, ժողովրդի, մարդու իրավունքները պաշտպանող պետական ծառայող և անձ, որը գործում է ժողովրդի անունից, հանուն ժողովրդի»,- հավելեց նախարարը:
Ըստ նրա՝ այս պարագայում, երբ կա հասարակական համերաշխություն, ոստիկանի բեռը պետք է շատ թեթև լինի. «Որովհետև յուրաքանչուր քաղաքացի դառնում է պետականության կրողը, դառնում է օրինականության պաշտպան: Եվ ոստիկանը դառնում է նրա կամքն իրականացնողը»:
Արտակ Զեյնալյանի համոզմամբ՝ վստահորեն կարելի է պնդել, որ Հայաստանում խոշտանգումները, ցուցմունքներ կորզելու պրակտիկան մնացել են անցյալում:
Մանրամասները՝ տեսանյութում:
Լիլիթ Շաբոյան
