09.06.2026 | 16:03
Վենեսուելայի նախագահը հանդիպել է Էրդողանի հետ Թուրքիա կատարած անակնկալ այցի ժամանակ
Ոստիկանությունը գործով է ապացուցել, որ պետության հիմնասյուներից մեկն է. Վալերի Օսիպյանի ելույթը. ՏԵՍԱՆՅՈՒԹ
Տեսանյութեր
16.04.2019 | 12:04
Ավելի քան մեկ դար Հայաստանի ոստիկանությունը ոչ միայն հանցավորության դեմ պայքարի ու հասարակական կարգի պահպանության առաջնագծում է, այլև գործով է հաստատագրել մեր պետության հիմնասյուներից մեկը լինելու իր առաքելությունը: Ոստիկանության 101-ամյակի առիթով այսօր՝ ապրիլի 16-ին կազմակերպված միջոցառման ժամանակ ասաց ՀՀ ոստիկանապետ Վալերի Օսիպյանը:
Նրա խոսքով՝ 20-րդ դարի սկզբին հայոց անկախ պետականության վերահաստատման առաջին իսկ օրից ոստիկանությունը և՛ երկրի ներքին անվտանգության երաշխավորն է, և՛ մասնակցում է սահմանների պաշտպանությանը, ինչպես նաև համակարգում հանրային կյանքի մի շարք կարևոր ոլորտներ:
«Ոստիկանությունը բոլոր ժամանակներում պատասխանատու է երկրի ներքին անվտանգության, հանրության անդորրի, քաղաքացու ապահովության համար: Այդպես էր կայացման 20-ական թվականներին, դժվարին 30-ականներին, պատերազմական 40-ականներին: Այդպես էր 90-ականներին, երբ վերականգնվեց Հայաստանի ինքնիշխանությունը, և ոստիկանությունն առաջին պետական կառույցն էր, որի կամավոր ստորաբաժանումներն աշխարհազորի հետ ուս ուսի պաշտպանում էին երկրի սահմանները»,- հավելեց Վալերի Օսիպյանը:
Մանրամասները՝ տեսանյութում:
Լիլիթ Շաբոյան
