03.09.2026 | 14:44
Ռուբեն Ռուբինյանն ընդունել է ՀՀ-ում Եգիպտոսի դեսպան Ամալ Աֆիֆիին
Նաիրա Զոհրաբյանը «Իմ քայլի» պատգամավորներին հիշեցրեց՝ ում շնորհիվ են հայտնվել ԱԺ-ում. ՏԵՍԱՆՅՈՒԹ
Քաղաքականություն
16.04.2019 | 12:12
Ազգային ժողովի ԲՀԿ խմբակցության պատգամավոր Նաիրա Զոհրաբյանի համոզմամբ՝ երբ իմքայլական պատգամավորները հարց են հնչեցնում՝ թե ինչ է արել իրենց կուսակցությունը, այդ հարցի պատասխանը հասկանալու համար պետք է փոքր-ինչ բարոյականություն ունենան։
«Դուք տարրական բորայականություն պետք է ունենաք նման հարց չհնչեցնելու համար։ Համազասպ, մի քիչ զուսպ եղեք, էն ինչ արել է ԲՀԿ-ն, երևի թե, Ձեր քաղաքական շատ փոքր կենսագրությունը թույլ չի տալիս գնահատելու և հասկանալու։ Իսկապես եկել է անկեղծության պահը․ եթե չլիներ Նիկոլ Փաշինյանը, եթե չլիներ Սասուն Միքայելյանը և եթե չլինեին մեկ-երկուսը, ուզում եմ հարցնել՝ որտե՞ղ կլիներ ձեր գերակշռող մեծամասնությունը, հաստատ ոչ այս դահլիճում»,- դիմելով քաղաքական մեծամասնության պատգամավորներին ասաց Նաիրա Զոհրաբյանը՝ հավելելով․
«Ամեն օր պարտական եղեք Նիկոլ Փաշինյանին, Սասուն Միքայելյանին, Արարատ Միրզոյանին և մեկ-երկուսին, որ դուք այսօր այստեղ ուղղակի նստած եք»։
Մանրամասները՝ տեսանյութում։
Աղավնի Սուքիասյան
