20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Մենք այսօր պետք է ամեն ինչ անենք, որպեսզի պատրաստվենք պատերազմի․ պարզ ասում եմ էս բարձր ամբիոնից․ Սասուն Միքայելյան․ ՏԵՍԱՆՅՈՒԹ
Քաղաքականություն
16.04.2019 | 12:05
Ազգային ժողովն այսօր դեմ քվեարկեց «Բարգավաճ Հայաստան» խմբակցության ներկայացրած «Զինվորական ծառայության և զինծառայողի կարգավիճակի մասին» օրենքում փոփոխություններ կատարելու մասին նախագծին՝ հնարավորություն չընձեռելով, այն ընդգրկել ԱԺ լիագումար նիստերի օրակարգում, ինչը հարուցեց ԲՀԿ-ական պատգամավորների դժգոհությունը: Նրանք քաղաքական մեծամասնությանը սկսեցին մեղադրել, նախորդ իշխանության պես, ընդդիմության նախագծերը մերժելու համար։
Նշենք, որ նախագծով առաջարկվում է 18 տարին լրացած զինվորներին մարտական հերթապահության չուղարկել։
ԱԺ «Իմ քայլը» խմբակցության պատգամավոր Սասուն Միքայելյանը նշեց, որ մենք առաջնագիծը պահում ենք պարտադիր զինծառայողներով, իսկ 2-րդ, 3-րդ և 4-րդ գիծը պահում են ռեզերվային ուժերը։
«Միայն մեր պայմանագրային զինծառայողներով չենք կարող պահել մեր պետությունը: Բացի այդ, մեր պայմանագրային զինծառայողների ո՛չ աշխատավարձը, ո՛չ մակարդակը չի կարող ապահովել մեր առաջնագիծը։ Մենք այսօր պետք է ամեն ինչ անենք, որպեսզի պատրաստվենք պատերազմի․ պարզ ասում եմ էս բարձ ամբիոնից, վախենալու բան չկա»,- ասաց իմքայլական պատգամավորը։
Մանրամասները՝ տեսանյութում։
Աղավնի Սուքիասյան
