23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Կառավարությունն իր մակարդակում գրագողությամբ է զբաղված․ Էդմոն Մարուքյան․ ՏԵՍԱՆՅՈՒԹ
Քաղաքականություն
16.04.2019 | 10:48
Ազգային ժողովի «Լուսավոր Հայաստան» խմբակցությունը ներկայացրել է «Պաշտպանության ժամանակ զինծառայողների կյանքին կամ առողջությանը վնաս հասցնելու փոխհատուցման մասին» և «Զինվորական ծառայության և զինվորի կարգավիճակի մասին օրենքներում փոփոխություններ և լրացումներ կատարելու մասին» նախագծեր, որոնք ԱԺ հանձնաժողովի նիստում ստացել են բացասական եզրակացություն։
ԱԺ ԼՀԿ խմբակցության ղեկավար Էդմոն Մարուքյանը նշեց, որ սիրուն բան չէ, երբ ԼՀԿ խմբակցությունը ներկայացնում է օրենսդրական նախաձեռնություն, Կառավարությունը դա մերժում է և անմիջապես առաջարկում նույնաբովանդակ որոշման նախագիծ։
«Հարցը հեղինակային իրավունքին չի վերաբերվում, պարզապես սիրուն բան չէ: Գոնե ասեք, հայտարարեք, որ այս նախագիծը առաջարկել է ԼՀԿ-ն։ Ձեր ուժը կուրսայինները ուրիշի փոխարեն գրելու վերաբերյալ օրենքի նախագիծ բերեց, ընդունեցինք, այսինքն՝ արգելեցինք գրագողությունը, սակայն Կառավարությունն իր մակարդակում գրագողությամբ է զբաղված։ Ի՞նչ է սա նշանակում․ միտքը տվել ենք, նախագիծը ներկայացրել ենք, այն մերժվել է: Խորհուրդ ենք տալիս մեր գաղափարներն օգտագործելիս որևէ տեղ նշել, որ զոմբիական հարձակման ենթարկվելիս մարդիկ իմանան, որ մենք էլ ենք մի լավ բան առաջարկել»,- ասաց էդմոն Մարուքյանը։
Մանրամասները՝ տեսանյութում։
Աղավնի Սուքիասյան
