28.04.2026 | 10:46
Հայաստանը 2026-ի աշնանից կունենա նոր կենսաչափական անձնագրեր և նույնականացման քարտեր
Սուպերվարչապետական համակարգը պահպանելը չի կարող հասկացվել ո՛չ մեր, ո՛չ ՀՀ քաղաքացիների, ո՛չ միջազգային հանրության կողմից․ Էդմոն Մարուքյան․ ՏԵՍԱՆՅՈՒԹ
Քաղաքականություն
15.04.2019 | 16:15
Հայաստանում մշտապես ընդդիմության պահանջն է եղել ոստիկանությունն ու Ազգային անվտանգության ծառայությունը Կառավարության կազմ վերադարձնելը, ինչը, ըստ էության, վերահաստատեց Նիկոլ Փաշինյանը։
Այս մասին ԱԺ պետա-իրավական հանձնաժողովում «Կառավարության կառուցվածքի և գործունեության մասին» օրենքում փոփոխություններ կատարելու մասին նախագծի վերաբերյալ քննարկման ժամանակ ասաց ԱԺ «Լուսավոր Հայաստան» խմբակցության պատգամավոր Էդմոն Մարուքյանը։
«Մենք ուսումնասիրել ենք Կառավարության ներկայացրած նախագիծը և եկել այն եզրահանգման, որ այն հիմնված չէ որևէ վերլուծության վրա, ըստ որի, կառավարումն ավելի արդյունավետ կլինի: Այն հիմնված է քաղաքական հայտարարությունների հիման վրա։ ԱԺ ԼՀԿ խմբակցությունը նույնպես գտնում է, որ Կառավարությունը պետք է կրճատվի, սակայն մինչ այդ, կան մի շարք խնդիրներ, որոնք պետք է լուծվեն, իսկ դրանցից ամենակարևորը խորհրդարանական վերահսկողության մակարդակի բարձրացումն է և խոստումների իրացումը»,- ասաց Մարուքյանը։
Վերջինս նշեց, որ իրենց խմբակցությունն առաջարկություններ է ներկայացրել Կառավարության կառուցվածքի փոփոխության վերաբերյալ՝ նախարարությունների թիվը նվազեցնել 14-ի։
Ըստ Մարուքյանի՝ այն փոփոխությունները, որոնք ներկայացնում է Կառավարությունը, շարունակում է պահպանել սուպերվարչապետական համակարգը:
«Իսկ մեր առաջարկած փոփոխությունները նաև սուպերվարչապետական համակարգի կրճատմանն են միտված, իսկ հիմա այդ համակարգը պահպանելը չի կարող հասկացվել ո՛չ մեր, ո՛չ ՀՀ քաղաքացիների, ո՛չ էլ միջազգային հանրության կողմից»,- ասաց պատգամավորը։
Մանրամասները՝ տեսանյութում։
Աղավնի Սուքիասյան
