11.12.2024 | 11:25
Մբապեն կարող է այլևս չխաղալ 2024 թվականին
«Սպայկա» ընկերության տնօրենի գործով դիմել են Վերաքննիչ դատարան
Հասարակություն
15.04.2019 | 14:25
«Սպայկա» ընկերության տնօրեն Դավիթ Ղազարյանին կալանավորելու Առաջին ատյանի դատարանի որոշման դեմ պաշտպանները վերաքննիչ բողոք են ներկայացրել: Դեռ որոշում չեն ստացել։
Այս մասին Factor.am-ի հետ զրույցում ասաց Ղազարյանի պաշտպան Կարեն Սարդարյանը:
«Այս գործի շուրջ ակնկալիքներ չենք կարող հայտնել, իրավական գործընթացներ են ընթանում, պետք է սպասել արդյունքներին»,- ասաց պաշտպանը։
Նա չցանկացավ մեկնաբանել, թե արդյոք այս ընթացքում հանդիպել է Դավիթ Ղազարյանին, թե՝ ոչ։
Ղազարյանը, հիշեցնենք, կալանավորվել է ապրիլի 8-ին: Նա մեղադրվում է ՀՀ Քրեական օրենսգրքի 205-րդ հոդվածի 2-րդ մասով՝ շուրջ 7 մլրդ հարկային պարտավորություն չկատարելու համար: «Սպայկա» ընկերության տնօրենը առաջադրված մեղադրանքը չի ընդունում։
Լիլիթ Շաբոյան
