21.04.2026 | 09:52
Հողամասը վերադարձնելու անհնարինության պատճառով հօգուտ ՀՀ-ի կբռնագանձվի 26 մլն 789 հազար դրամ
Ակնկալում էի, որ yerevan.today-ում կատարվածից հետո կասեն՝ այ էս խմբագրությունում է տեղի ունեցել գաղտնալսումը, սակայն դա տեղի չունեցավ․ Աշոտ Մելիքյան․ ՏԵՍԱՆՅՈՒԹ
Քաղաքականություն
15.04.2019 | 13:54
Yerevan.today-ի խմբագրությունում կատարված քննչական գործողություններից հետո անցել է 100 օր, սակայն չկա հայտարարություն, թե ի՞նչ է հայտնաբերվել այդ խմբագրությունից առգրավված համակարգիչներում։ Սա, ըստ Երևանի մամուլի ակումբի նախագահ Բորիս Նավասարդյանի, արժանի է քննադատության։
Անդրադառնալով yerevan.today-ի խմբագրությունում կատարված քննչական գործողություններին էլ Խոսքի ազատության պաշտպանության կոմիտեի նախագահ Աշոտ Մելիքյանն ասաց, որ լրագրողական 10 կազմակերպություն հանդես է եկել հայտարարությամբ։
«Մենք ակնկալում էինք, որ եթե նման կոշտ քայլերի են դիմել, ապա ունեն լուրջ փաստ և փաստարկ, սակայն չստացանք դրանք, և 10 լրագրողական կազմակերպություն հայտարարությամբ հանդես եկավ՝ պահանջելով վերադարձնել խմբագրության տեխնիկան և հրապարակել փորձաքննության արդյունքները։ Ես ակնկալում էի, որ իրենք փաստեր կբերեն ու կասեն, թե այս խմբագրությունից է գաղտնալսումը կատարվել․ միայն այդ պարագայում կարելի էր էդպիսի քայլերի դիմել»,- ասաց Աշոտ Մելիքյանը՝ նշելով, որ մինչ այսօր որևէ փաստարկ չի հրապարակվել և չկա նաև երաշխիք, որ խմբագրությունը կկարողանա օգտագործել իր տեխնիկան։
«Կարծում եմ, որ այդ բոլոր պահանջներն արդարացված են։ Ակնկալում ենք գոնե այն մասը, որը հրապարակման ենթակա է, փորձաքննությունից առանձնացնեն և հրապարակեն, մյուս կողմից՝ պետք է տրվեն երաշխիքներ, որ եթե այդ տեխնիկան խմբագրությունում օգտագործվի, արտահոսքեր չեն լինի։
Մանրամասները՝ տեսանյութում։
Աղավնի Սուքիասյան
