20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Իրական սեփականատերերին բացահայտելու համար կարևոր է, որ նրանց մասին տեղեկությունը ռեգիստրից տրամադրվի անվճար և հրապարակային․ ՀԿ տնօրեն. ՏԵՍԱՆՅՈՒԹ
Քաղաքականություն
15.04.2019 | 13:02
Իրավաբանական անձանց գրանցման պետական ռեգիստրի մասին ՀՀ օրենքում կատարվելու են փոփոխություններ, որոնք հնարավորություն կտան հրապարակել նոր տեղեկություն բիզնեսների իրական սեփականատերերի մասին, ինչպես նաև ավելի կընդլայվեն այն ոլորտները, որոնց մասին տեղեկություններ կհրապարակվեն․ օրինակ՝ ներկայում գործող ռեգիստրում փակ և բաց բաժնետիրական ընկերությունների մասին տեղեկություններ չկան, ուստի օրենքում փոփոխություն կատարելուց հետո նաև բոլոր բաժնետիրական ընկերությունների մասին տեղեկություններ կլինեն։
«Լրատվամիջոցների իրական սեփականատերերի թափանցիկության խնդիրը Հայաստանում» թեմայով քննարկման ժամանակ այս մասին ասաց «Թրանսփարենսի Ինթերնեշնլ» հակակոռուպցիոն կենտրոնի տնօրեն Սոնա Այվազյանը։
«Կարևոր է նաև, որ այդ տեղեկությունը հասանելի լինի անվճար։ Ներկայումս դրա համար վճարում են 3000 դրամ։ Իրական սեփականատերերի բացահայտման այս կոնցեպտը կարող է աշխատել, եթե փաստացի գրանցվեն իրական սեփականատերերը, սակայն ռիսկ կա, որ այդ սեփականատերերը կարող են ստել։ Այդ ռիսկը կարող է չեզոքանալ, եթե նրանց մասին տեղեկությունը ռեգիստրից տրամադրվի անվճար և հրապարակային»,- ասաց Սոնա Այվազյանը։
Մանրամասները՝ տեսանյութում։
Աղավնի Սուքիասյան
