12.07.2026 | 09:01
Ռոման Բերեզովսկին ռուսական ակումբ է գլխավորել
Բիզնեսի և ԶԼՄ-ների իրական սեփականատերերի մասին տեղեկությունները կհրապարակվեն հանրային բաց ռեգիստրում․ Շուշան Դոյդոյան․ ՏԵՍԱՆՅՈՒԹ
Քաղաքականություն
15.04.2019 | 12:14
«Ինֆորմացիայի ազատության կենտրոնի» նախագահ Շուշան Դոյդոյանի խոսքով՝ լրատվամիջոցները պետք է օր առաջ հրապարակեն իրենց իրական սեփականատերերի անունները, իսկ նման գործելաոճը բերելու է ԶԼՄ-ների հեղինակության կտրուկ աճին․ այսօր «Լրատվամիջոցների իրական սեփականատերերի թափանցիկության խնդիրը Հայաստանում» թեմայով քննարկման ժամանակ նման տեսակետ հայտնեց Դոյդոյանը՝ նշելով, որ Կառավարության և քաղհասարակության հետ արդեն իսկ սկսվել են աշխատանքներ, որպեսզի ստեղծվի հանրային բաց ռեգիստր, որտեղ և՛ բիզնեսի բոլոր ճյուղերի, և՛ լրատվամիջոցների իրական սեփականատերերի մասին հրապարակված տեղեկություն կլինի։
«Այստեղ շատ կարևոր մոտեցում է այն, որ չի թիրախավորվել որևէ ոլորտ․ խնդիրը կլուծվի առաջինը հանքարդյունաբերության ոլորտում գործունեություն իրականացնող ընկերությունների հետ կապված, ապա հանրային բաց ռեգիստրում կհրապարակվեն նաև բոլոր ոլորտների մասին տեղեկություններ։ Այդ ռեգիստը լինելու է հանրային և բաց, որը հնարավորություն է տալու լրագրողներին և քաղհասարակության ներկայացուցիչներին՝ ստուգել այդ տվյալները»,- ասաց Շուշան Դոյդոյանը` հավելելով, որ այդ ռեգիստրի ամբողջական գործարկման համար պահանջվում է երկու տարի։
Մանրամասները՝ տեսանյութում։
Աղավնի Սուքիասյան
