10.09.2026 | 12:00
Ինչ են քննարկել Փաշինյանն ու Մակրոնը // «Լամբադա» կամուրջն այսօրվանից փակ է․ ԼՈՒՐԵՐ
Զարթոնքի համայնքապետի հրաժարականն ընդունվել է իմ կողմից․ Արմավիրի մարզպետ
Քաղաքականություն
15.04.2019 | 10:28
Արմավիրի մարզի Զարթոնք համայնքի ղեկավար Պարույր Սարգսյանը հրաժարական է տվել։
Factor. am-ի հետ զրույցում այս մասին ասաց Արմավիրի մարզպետ Համբարձում Մաթևոսյանը։
«Շաբաթ օրը Զարթոնքի համայնքապետը ներկայացրել է հրաժարականի դիմում, որն ընդունվել է իմ կողմից։ Հրաժարականի դիմումից հետո հանդիպումներ եմ ունեցել համայնքի ղեկավարի և բողոքի ակցիայի մասնակիցների հետ։ Զարթոնքում իրավիճակը հանդարտ է, բողոքի ակցիաներ չկան։ Առաջիկա օրերին էլ կլինի համայնքապետի ժամանակավոր պաշտոնակատարի նշանակում»,- ասաց մարզպետը։
Հիշեցնենք, որ շաբաթ օրը համայնքապետի հրաժարականը պահանջող ցուցարարների հետ հանդիպել էր Պետական վերահսկողական ծառայության պետ Դավիթ Սանասարյանը, հանդիպումից հետո նա բողոքի ակցիայի մասնակիցներին տեղեկացրել է, որ այսօր՝ երկուշաբթի օրը, համայանքապետը հայտարարություն կանի։
Աղավնի Սուքիասյան
