15.12.2025 | 11:22
Ծիծեռնակաբերդի խճուղու հիմնական փլուզված հատվածը վերականգնվել է․ քաղաքապետարանի պաշտոնյա. ՏԵՍԱՆՅՈՒԹ
«Էդ ո՞վ ա տեսել, որ ինձ դեպորտ են արել»․ Առաքել Մովսիսյանը՝ ԱՄՆ-ից իր վերադարձի մասին
12.04.2019 | 17:31
Ազգային ժողովի նախկին պատգամավոր, Շմայս մականունով հայտնի Առաքել Մովսիսյանը վստահեցնում է՝ ինքը Հայաստանից արտագաղթելու մտադրություն չունի:
Ըստ մամուլում հրապարակված տեղեկության՝ Մովսիսյանը նախորդ տարվա դեկտեմբերին ընտանիքով մեկնել էր ԱՄՆ՝ նպատակ ունենալով մշտական բնակություն հաստատել այդ երկրում: Սակայն ԱՄՆ ներգաղթային ծառայության կողմից չեղյալ է հայտարարվել Հայաստանում ԱՄՆ դեսպանատան կողմից 10 տարվա ժամկետով տրամադրված մուտքի արտոնագիրը, և Մովսիսյանը ստիպված է եղել վերադառնալ Հայաստան: Թեմայի առնչությամբ Factor.am-ը մի քանի հարց է ուղղել նախկին պատգամավորին։
-Ինչո՞ւ են ԱՄՆ-ից ձեզ «դեպորտ» արել։
-Ես գնացել եմ 50 ամյակ, ընդամենը 7 օր ենք մնացել, երեխեքս եկել են, 15 օր հետո էլ ես եմ եկել։ Բան ու գործ չունեն՝ հավայի գրում են, ես չեմ հասկանում՝ ինչ դեպորտ, ինչ բան, իմ անձնագիրն իմ ձեռքն է, տասը տարով մեջը խփած ա, էդ ո՞վ ա տեսել՝ ինձ դեպորտ են արել։
-Ընդհանրապես արտագաղթելու մտադրություն ունե՞ք։
-Եթե դուք գերեզմանոց ունեք, պիտի թողնեք, գնա՞ք էստեղից, ես տենց չեմ։ Հազար ընկեր ունեմ, որոնց կորցրել եմ պատերազմի դաշտում, ծնող եմ կորցրել, եղբայր, իմ ծնողի գերեզմանը պետք է թողնեմ գնա՞մ։ Վաղը որ պատերազմ եղավ, մենք ենք գնալու, մեր զինվորներին հո չե՞նք թողնի գնանք։ Եթե դավաճաններն ուզում են թողնել իրենց դիակները գնալ, ապա մենք դրան պատրաստ չենք։
-Հարմարվե՞լ եք Նոր Հայաստանի իրողություններին։
-Մենք ոնց ապրել ենք, տենց ապրում ենք, ինչի՞ մասին է խոսքը։
-Այսինքն՝ հարմարվել եք։
-Իմ համար ոնց ապրել եմ, տենց ապրում եմ, ինչի՞ մասին է խոսքը։ Ես միշտ էլ ճիշտ ապրել եմ, ցանկացած մարդ, եթե վատ բան է արել, պիտի իր պատիժը ստանա։
Շողիկ Գալստյան
