12.07.2026 | 12:06
Ե՞րբ էր ամենաշուտ ու ամենաուշ Վարդավառը և ո՞րն էր ամենաշոգը. Լևոն Ազիզյան
ՌԴ Դաշնային խորհրդի նախագահն Ալիևից «Բարեկամություն» շքանշան է ստացել
Քաղաքականություն
12.04.2019 | 15:46
Բաքվում գտնվող ՌԴ Դաշնային խորհրդի նախագահ Վալենտինա Մատվիենկոն Ադրբեջանի նախագահ Իլհամ Ալիևից «Բարեկամություն» շքանշան է ստացել՝ ռուս-ադրբեջանական հարաբերությունների զարգացման գործում առանձնահատուկ ավանդի համար: Այս մասին գրում է ՏԱՍՍ-ը:
«Ձեր հոբելյանի օրը (ապրիլի 7-ին) Ձեզ Ադրբեջանի բարձրագույն՝ «Բարեկամություն» շքանշանով պարգևատրելու մասին հրամանագիր է ստորագրվել: Ես ցանկանում էի անձամբ այն հանձնել Ձեզ»,- ասել է Ալիևը:
Մատվիենկոն շնորհակալություն է հայտնել՝ նշելով, որ իր համար «մեծ պատիվ է Ադրբեջանի բարձրագույն պարգև ստանալու փաստը»: «Մենք հասկանում ենք մեր միջպետական հարաբերությունների զարգացման կարևորությունը: Մենք արել և անելու ենք ամեն ինչ՝ դրանց հետագա զարգացման համար»,- ասել է Դաշնային խորհրդի նախագահը:
Նա ընդգծել է, որ պարգևն իրեն պարտավորեցնում է՝ ավելի շատ ջանքեր ներդնել երկկողմ հարաբերությունների զարգացման համար:
«Դուք մեր ժողովրդի, մեր երկրի բարեկամն եք: Ադրբեջանում Ձեզ ճանաչում, սիրում, հարգում են: Դուք շատ բան եք անում մեր հարաբերությունների զարգացման համար: Եվ շքանշանը խորհրդանշում է մեր բարեկամությունը»,- ասել է Ադրբեջանի նախագահը:
