08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ալեքսանդր Սարգսյանի պաշտպանը պնդում է՝ նա Եվրոպայում է բուժվելու նպատակով
Հասարակություն
12.04.2019 | 14:52
Խարդախության համար մեղադրվող Ալեքսանդր Սարգսյանի՝ ՀՀ երրորդ նախագահի եղբոր պաշտպանը հերքում է նրա որդու այն հայտարարությունը, թե նա երկիրը լքել է հանգստանալու և որդու՝ Նարեկ Սարգսյանի արտահանձնման գործերով։
Պաշտպանի խոսքով՝ Ալեքսանդր Սարգսյանը Եվրոպայում է բուժման նպատակով: «Ալեքսանդր Սարգսյանը առողջական խնդիրներից ելնելով ներկայումս գտնվում է Եվրոպայում: Ինչ վերաբերում է Հայկ Սարգսյանի կողմից լրագրողի հարցին ի պատասխան տրված տեղեկություններին, թե Ալեքսանդր Սարգսյանը գնացել է հանգստանալու, ապա այդ մասին զրուցել եմ վերջինիս հետ, որը տեղեկացրել է, որ չի ցանկացել հանրայնացնել այն հանգամանքը, որ հայրն ունի առողջական խնդիրներ»,- ասում է նա:
Հիշեցնենք, որ Ալեքսանդր Սարգսյանը մեղադրվում է խարդախության համար, նրա նկատմամբ խափանման միջոց էր ընտրվել չհեռանալու մասին ստորագրությունը։ Սակայն հետո համացանցում հայտնվեց լուսանկար, որը փաստում էր, որ Սարգսյանը լքել է ՀՀ տարածքը։ ԱԱԾ-ն էլ հայտարարեց, որ Սերժ Սարգսյանի եղբորը՝ Ալեքսանդր Սարգսյանին թույլատրել է որոշ ժամանակով հեռանալ երկրից:
Լիլիթ Շաբոյան
