10.09.2026 | 12:52
Թրամփը Պուտինի հետ հեռախոսազրույցը «հիանալի» է անվանել
«Մտահոգված ենք Թուրքիայում տեղի ունեցող զարգացումներով». Գերմանիայի արդարադատության նախարար
Քաղաքականություն
12.04.2019 | 14:17
Գերմանիայի արդարադատության նախարար, Եվրոպական խորհրդարանի ընտրություններում «Սոցիալ-դեմոկրատական կուսակցության» (ՍԴԿ – SPD) առաջատար թեկնածուներից մեկը՝ Կատարինա Բարլեյը, մտահոգիչ է համարել Թուրքիայի «իրավական պետության» ոլորտում տեղի ունեցող զարգացումները. գրում է ermenihaber-ը:
Բեռլինում լրագրողների հետ հանդիպմանը Բարլեյն անդրադարձել է Թուրքիայում տեղի ունեցող զարգացումներին և հետընտրական գործընթացներին։ Նախարարը նշել է, որ իր կուսակցությունն ուրախ է Թուրքիայի ՏԻՄ ընտրություններում ընդդիմադիր կուսակցությունների շոշափելի հաջողությունների համար, քանի որ այդ կուսակցությունները գաղափարակից են SPD-ին։ Միևնույն ժամանակ մտահոգություն է հայտնել ընտրություններին հաջորդած բողոքարկումների ու քվեների վերահաշվարկի գործընթացի կապակցությամբ:
«Արդեն մի քանի տարի խորը մտահոգությամբ հետևում ենք Թուրքիայի իրավական ոլորտում տեղի ունեցող զարգացումներին։ Թեև երկու երկրների արդարադատության նախարարությունների միջև լավ հարաբերություններ կան, բայց ամեն դեպքում մենք անհանգստանում ենք Թուրքիայում իրավական ոլորտի զարգացումների պատճառով և դա բաց տեքստով ասում ենք նրանց»։
