14.12.2024 | 19:57
Ինչ իրավիճակ է ճանապարհներին 19։35-ի դրությամբ
«Սպայկան» խոշոր խաղացող է, բայց և՛ «Բեստ Ֆրութը», և՛ այլ ընկերություններ ամեն պահի կարող են մտնել դաշտ. նախարար. ՏԵՍԱՆՅՈՒԹ
Տնտեսություն
11.04.2019 | 13:00
Մինչև հիմա և սրանից հետո էլ որևէ ընկերության կողմից մյուսի տեղը գրավելու խնդիր չկա: Կառավարության նիստից հետո լրագրողների հետ ճեպազրույցում այս մասին ասաց գյուղատնտեսության նախարարի պաշտոնակատար Գեղամ Գևորգյանը՝ պատասխանելով հարցին՝ արդյո՞ք մթերման շուկա մտած «Բեստ Ֆրութ» ընկերությունը գրավելու է «Սպայկա» ընկերության տեղը:
«Ազատ շուկայական հարաբերություններ են, և ցանկացած ընկերություն ցանկացած պահի կարող է շուկա մտնել: «Սպայկա»-ի տեղը գրավելու կամ չգրավելու խնդիր չկա: «Սպայկա»-ն Հայաստանի գյուղատնտեսության մեջ լուրջ խաղացող է, բայց ցանկացած անձ իրավունք ունի և ազատ է մտնել շուկա: Մենք անընդհատ փորձում ենք, նույնիսկ մեր ռազմավարության մեջ գրված է, որ պետք է ստեղծենք առնվազն չորս նման լոգիստիկ մեծ կենտրոններ և գյուղատնտեսական բորսա, որը հնարավորություն կտա դիվերսիֆիկացնել թե՛ խաղացողներին, թե՛ շուկաները»,- հավելեց պաշտոնյան:
Ըստ նրա՝ դա թույլ կտա խուսափել այնպիսի իրավիճակներից, որը ստեղծվեց «Սպայկա»-ի շուրջ. «Տնտեսությունը չի կարող կախված լինել մեկ շուկայից կամ մեկ ընկերությունից»:
Մանրամասները՝ տեսանյութում:
Աղավնի Սուքիասյան
