14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վարչապետ Նիկոլ Փաշինյանը Ստրասբուրգում է․ ՏԵՍԱՆՅՈՒԹ
Քաղաքականություն
11.04.2019 | 10:10
Վարչապետ Նիկոլ Փաշինյանն աշխատանքային այցով գիշերը ժամանել է Ստրասբուրգ, որտեղ մասնակցելու է Եվրոպայի խորհրդի խորհրդարանական վեհաժողովի (ԵԽԽՎ) գարնանային նստաշրջանի լիագումար նիստին։
ՀՀ վարչապետը ստրասբուրգյան իր այցը կսկսի ԵԽԽՎ նախագահ Լիլիան Մորի Պասքիեի հետ հանդիպմամբ։
Այցի ընթացքում վարչապետը կհանդիպի նաև ԵԽ գլխավոր քարտուղար Թորբյորն Յագլանդի հետ, որից հետո նրանք հանդես կգան մամուլի ասուլիսով։ ՀՀ վարչապետը ԵԽ գլխավոր քարտուղարին կհանձնի Եվրոպայի խորհրդի հիմնադրման 70 ամյակի առթիվ Երևանի Հյուսիսային պողոտայի միջանկյալ հատվածում գտնվող հրապարակը «Եվրոպայի հրապարակ» ավանակոչելու մասին որոշումը։
Նիկոլ Փաշինյանը կհանդիպի Վենետիկի հանձնաժողովի նախագահ Ջաննի Բուքիքիոյի հետ։ Արդեն կեսօրին նախատեսված է վարչապետի ելույթը ԵԽԽՎ ում, որից հետո կպատասխանի նախապես գրանցված պատվիրակների հարցերին։ Ավելի ուշ հանդիսավորությամբ կբացվի «Հայաստանի թավշյա հեղափոխություն» խորագրով ցուցահանդեսը։ Միջոցառումից հետո ԵԽԽՎ նախագահի անունից կտրվի ճաշ Խորհրդարանական վեհաժողովի 2019 թ գարնանային նիստի կապակցությամբ։ Վարչապետը կայցելի նաևՍտրասբուրգի Աստվածամոր տաճար։
Այցի շրջանակում նախատեսվում է նաև Նիկոլ Փաշինյանի հանդիպումը Ստրասբուրգի հայ համայնքի ներկայացուցիչների հետ:
