10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Անչափահաս հղիներն ամուսնացած են․ «Հիսուսի մանուկներ» առողջական կենտրոնի տնօրեն
10.04.2019 | 17:35
Երեկ՝ ապրիլի 9-ին, Ոստիկանության Բաղրամյանի բաժնում ահազանգ է ստացվել այն մասին, որ «Քեվօրք և Անիթա Փակումեանների հիշատակի «Հիսուսի մանուկներ» առողջության կենտրոն» 16-18 շաբաթական հղիությամբ երեք անչափահաս աղջիկ է դիմել։
Կենտրոնի տնօրեն Գագիկ Հարությունյանը Factor.am-ի հետ զրույցում ասաց, որ երբ իրենց առողջության կենտրոն դիմած աղջիկների անձնական տվյալներից պարզել են, որ նրանք անչափահաս են, օրենքի պահանջին համապատասխան տեղյակ են պահել և՛ Ոստիկանությանը, և՛ Դատախազությանը. «Մեզանից հասնում էր Ոստիկանությանը տեղյակ պահել, արել ենք, իսկ մնացած հարցերին պատասխանել չեմ կարող։ Կնշեմ միայն, որ աղջիկներից մեկն ազգությամբ եզդի է, երկուսը՝ հայ»։
Կենտրոնի տնօրենից տեղեկացանք, որ անչափահաս աղջիկները ամուսնացած են․ «Իսկ քանի որ անչափահաս տարիքում են հղիացել, դրանով պայմանավորված էլ կգտնվեն մեր կենտրոնի բժիշկների խիստ ուշադրության կենտրոնում»։
Նշենք, որ փաստի առթիվ Ոստիկանության Բաղրամյանի բաժնի հետաքննական բաժանմունքում նյութեր են նախապատրաստվում։
Աղավնի Սուքիասյան
