16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
Արդարադատության անկախության երաշխիքներն այսօր էլ դեռևս անբավարար են. Գագիկ Հարությունյան. ՏԵՍԱՆՅՈՒԹ
Քաղաքականություն
10.04.2019 | 16:19
Այսօր, այո՛, կա հնարավորություն՝ ունենալ անկախ դատական իշխանություն: Լրագրողների հետ զրույցում այս մասին ասաց Բարձրագույն դատական խորհրդի նախագահ Գագիկ Հարությունյանը՝ հավելելով, որ այդ հարցով իր դիրքորոշումները միայն այսօր չէ, որ արտահայտում է:
Հարցին՝ նախկինում իշխանությո՞ւնն էր խանգարում անկախ դատական համակարգ ունենալուն, Հարությունյանը պատասխանեց. «Հարցը վերաբերում է ընդհանրապես համակարգին, դրա գործունեության հիմքերին ու նախադրյալներին: Խանգարում էր այն, որ չկար այդ համակարգը, չկային այդ նախադրյալները, խանգարում էին նաև սուբյեկտիվ միջամտությունները»:
Ըստ Գագիկ Հարությունյանի՝ արդարադատության անկախության երաշխիքներն առնվազն չորսը պետք է լինեն՝ ֆունկցիոնալ, ինստիտուցիոնալ, նյութական և սոցիալական: «Խորապես համոզված եմ, որ այդ երաշխիքները դեռևս այսօր էլ անբավարար են, և մեր գործունեությունն ուղղված է այդ երաշխիքների ստեղծմանը: Եթե ստեղծում եք այդ օբյեկտիվ երաշխիքը, սուբյեկտիվ միջամտությունը նվազագույնի է հասցվում»,- խոսելով «հեռախոսային արդարադատության» մասին՝ ասաց ԲԴԽ նախագահը:
Մանրամասները՝ տեսանյութում:
Շողիկ Գալստյան
