13.08.2026 | 11:23
Ռուսական ուժերն Օդեսայի մարզում ուղևորատար գնացքի են հարվածել․ 2 զոհ կա
Սեդրակ Քոչարյանի գործով դատարանի որոշումը իրավապահները դեռ կուսումնասիրեն․ Արթուր Վանեցյան. ՏԵՍԱՆՅՈՒԹ
Հասարակություն
10.04.2019 | 14:46
Ազգային անվտանգության ծառայության տնօրեն Արթուր Վանեցյանն այսօր լրագրողների հետ զրույցում, անդրադառնալով 2-րդ նախագահի որդի Սեդրակ Քոչարյանի գործով դատարանի կայացրած այն որոշմանը, որ խախտվել է Սեդրակ Քոչարյանի անմեղության կանխավարկածը, ասաց․ «Եղել է դատարանի որոշում, որ խախտվել է անմեղության կանխավարկածը։ Այդ հարցը կուսումնասիրեն իրավաբանները ժամկետի մեջ, և եթե չի լինի որոշում դատարանի այդ որոշումը բողոքարկելու, կընդունենք այն»։
Նշենք, որ Երևան քաղաքի ընդհանուր իրավասության դատարանը՝ նախագահությամբ Արման Հովհաննիսյանի, ապրիլի 5-ին բավարարել է Սեդրակ Քոչարյանի պաշտպանների բողոքը և արձանագրել՝ ԱԱԾ-ի կողմից թույլ է տրվել անմեղության կանխավարկածի խախտում:
Հիշեցնենք, որ 2019 թվականի փետրվարի 19-ին Ազգային անվտանգության ծառայության կողմից պաշտոնական հաղորդագրություն էր տարածվել՝ «Սեդրակ Քոչարյանի վերաբերյալ քրեական գործով հաղորդագրություն» վերտառությամբ, որում նշվում էր, թե բացահայտվել է առանձնապես խոշոր չափերով հարկեր չվճարելու և հանցավոր ճանապարհով ձեռք բերված եկամուտներն օրինականացնելու հանցադեպեր, որոնց կազմակերպման հետ անմիջական առնչություն է ունեցել ՀՀ երկրորդ նախագահ Ռոբերտ Քոչարյանի որդին՝ Սեդրակ Քոչարյանը:
Մանրամասները՝ տեսանյութում:
Շողիկ Գալստյան
