21.04.2026 | 12:49
«Հանրային ձայնը» չի կարող մասնակցել ընտրություններին, կսատարենք ընդդիմադիր ուժերին․ Արտակ Գալստյան․ ՏԵՍԱՆՅՈՒԹ
«Այս հարցը փակում ենք»․ Արտակ Զեյնալյանը՝ Ռոբերտ Քոչարյանին տեսակցելու մասին. ՏԵՍԱՆՅՈՒԹ
Քաղաքականություն
10.04.2019 | 14:43
Այս հարցին ես բազմիցս անդրադարձել եմ, կա՞ արդյոք կարիք նորից կրկնվելու: Այսօր լրագրողների հետ զրույցում այս մասին ասաց ՀՀ արդարադատության նախարար Արտակ Զեյնալյանը՝ պատասխանելով ՀՀ երկրորդ նախագահ Ռոբերտ Քոչարյանին կալանավայրում տեսակցելու մասին հարցին:
«Ես արդարադատության նախարար եմ, և իմ ենթակայության տակ են գտնվում կալանավայրերն ու քրեակատարողական հիմնարկները: Եվ ես պատասխանատու եմ այս ոլորտում քաղաքականության համար, նաև պահման պայմանների համար: Ես կարող եմ այցելել յուրաքանչյուր խուց, տեսնել յուրաքանչյուր խցի պայմաններ, յուրաքանչյուրի պահման պայմաններ»,- ասաց Արտակ Զեյնալյանը:
Նախարարն ասաց՝ միանձնյա չի կատարում այցելությունները. «Ռոբերտ Քոչարյանը խցում միանձնյա է, և այստեղ եղած վեճի մասով մենք անհավասար պայմանների մեջ ենք գտնվում այդ անձնավորության հետ: Եվ պետք է հարգել այդ անձի իրավունքները, և այս վեճը մշտապես չբորբոքել»:
Զեյնալյանի խոսքով՝ տեսակցության վերաբերյալ տեղեկություն չեն տրամադրում՝ «հարգելով նաև մարդու իրավունքները»:
«Այս հարցը փակում ենք ընդհանրապես»,- եզրափակեց արդարադատության նախարարը:
Մանրամասները՝ տեսանյութում:
Շողիկ Գալստյան
