23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
Ովքե՞ր են միլիոններ ծախսել ֆեյքէջեր պահելու համար․ Վանեցյանը դեռ անուններ չի տալիս․ ժամանակ է պետք. ՏԵՍԱՆՅՈՒԹ
Հասարակություն
10.04.2019 | 14:34
Ազգային անվտանգության ծառայության տնօրեն Արթուր Վանեցյանը ֆեյսբուքյան «Դուխով Հայաստան» էջի օգտատիրոջ կալանավորման և հարուցված քրգործի իրավական հիմքերի մասին այսօր լրագրողների հետ զրույցում մանրամասներ չհայտնեց, իսկ հարցին՝ ԱԱԾ-ի թիրախում կան արդյոք այլ ֆեյք օգտատերեր՝ հավելեց․ «ԱԱԾ-ն իր անելիքների մասին նախապես չի հայտնում, իսկ կարգավիճակ ունեցող մարդիկ այս պահին չկան»։
Վերջինիս խոսքով՝ անանուն հանդես գալը թեև մարդու իրավունքն է, որը խախտել որևէ մեկն իրավունք չունի, սակայն այլ բան է, երբ համացանցում այլ անձի տվյալներով են հանդես գալիս և տարածում տեղեկատվություն, որը պարունակում է հանցակազմ։
Հարցին՝ Նիկոլ Փաշինյանն ասում էր միլիոններ են ծախսել, ովքե՞ր են դրանք, ԱԱԾ տնօրենն ասաց․ «Քննությունը, երբ կհասնի այն փուլին, երբ հնարավոր կլինի բացահայտել նախաքննության տվյալները, այդ դեպքում էլ պարզ կլինի»։
Նա լրագրողներին հորդորեց ժամանակ տալ։ «Կանցնի որոշ ժամանակ, կպատասխանենք»,- ասաց նա։
Մանրամասները՝ տեսանյութում։
Շողիկ Գալստյան
