02.07.2026 | 12:50
Չեմ վերցնի մանդատը, ուզում եմ հանգստանալ. Ալեն Սիմոնյան․ ՏԵՍԱՆՅՈՒԹ
Բագրատաշենի դեպքով ծառայողական քննություն է սկսվել. կպարզեն, թե ով է նկարահանել քաղաքացուն
Հասարակություն
10.04.2019 | 14:29
Մի քանի օր է՝ ֆեյսբուք սոցիալական ցանցում և լրատվամիջոցներում՝ անգամ ռուսական, պտտվում է մի հոլովակ, որտեղ երևում է, թե ինչպես է սահմանային անցակետում քաղաքացին ուղեբեռի հետ միասին անցնում ուղեբեռի համար նախատեսված սարքով:
Դեպքը տեղի է ունեցել Բագրատաշենի անցակետում: Այստեղ ուշագրավն այն է, որ անցակետի աշխատակիցները հեռախոսի միջոցով վերատեսանկարահանել են անցակետի տեսախցիկների ֆիքսած այդ դրվագը և տարածել համացանցում: Աշխատակիցների տեսանկարահանումն ավարտվում է նրանց ոչ հարգալից ծիծաղի ձայներով:
Factor.am-ն այս դեպքի շուրջ ՊԵԿ լրատվականից պարզաբանում խնդրեց, թե արդյոք այդ նկարահանումն իրականացրած աշխատակիցները պատասխանատվության ենթարկվելու են, քանի որ նրանք անհարգալից են վարվում ՀՀ քաղաքացու հետ․ փոխանակ քաղաքացուն ուղղորդեն անցնել ճիշտ տեղով, հրճվում են նրա սխալի վրա: ՊԵԿ լրատվականից մեզ փոխանցեցին, որ դեպքի առնչությամբ ծառայողական քննություն է սկսվել եւ քննության միջոցով կպարզեն բոլոր հարցերը:
Նարեկ Կիրակոսյան
