23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Երևանում անցկացվել է ԱՊՀ հակաօդային պաշտպանության համադրման կոմիտեի հոբելյանական նիստը
Քաղաքականություն
09.04.2019 | 20:35
ՀՀ պաշտպանության նախարարության վարչական համալիրում ապրիլի 9-ին անցկացվել է ԱՊՀ անդամ պետությունների պաշտպանության նախարարների խորհրդին առընթեր հակաօդային պաշտպանության համադրման կոմիտեի 50-րդ հոբելյանական նիստը: Այս մասին ՀՀ ՊՆ լրատվական ծառայության տարածած հաղրոդագրության մեջ ասված է․ « ԱՊՀ անդամ պետությունների պաշտպանության նախարարների խորհրդի 2019թ. աշխատանքային պլանի համաձայն անցկացված նիստին մասնակցել են Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի, Ուզբեկստանի պաշտպանական գերատեսչությունների, ԱՊՀ պաշտպանության նախարարների խորհրդի քարտուղարության, ռազմարդյունաբերական ձեռնարկությունների ներկայացուցիչներ, ԱՊՀ երկրների ՀՕՊ խնդիրների հետազոտման և կադրերի պատրաստման բազային կազմակերպությունների ղեկավարներ:
Հոբելյանական նիստի բացմանը մասնակցել է ՀՀ ԶՈՒ գլխավոր շտաբի պետ, գեներալ-լեյտենանտ Արտակ Դավթյանը։ Կարևորելով ԱՊՀ անդամ պետությունների ՀՕՊ համադրման կոմիտեի աշխատանքները, ՀՀ ԶՈՒ գլխավոր շտաբի պետն ընդգծել է, որ փոխգործակցությունը նպաստում է ՀՕՊ ուժերի պատրաստության և ԱՊՀ պետությունների օդային սահմանների հուսալի պաշտպանության ամրապնդմանը։
Նիստի ընթացքում ամփոփել են 2018 թ.-ին համադրման կոմիտեի իրականացրած աշխատանքները, քննարկվել 2019թ.-ին ԱՊՀ ՀՕՊ միասնական համակարգի մարտական և մարտավարական պատրաստության միջոցառումների կազմակերպման և անցկացման հարցեր: Ուսումնասիրվել և հավանության է արժանացել օգոստոս-սեպտեմբերին Ռուսաստանի և Ղազախստանի տարածքում կայանալիք «Մարտական համագործակցություն-2019» համատեղ զորավարժության մտահղացումը:
Նիստի ընթացքում քննարկվել են նաև ԱՊՀ ՀՕՊ համակարգի կատարելագործման ու զարգացման հիմնական ուղղությունները, հակաօդային պաշտպանության խնդիրներին վերաբերող այլ հարցեր»:
