12.03.2026 | 19:25
Factor TV-ի անդրադարձից հետո սոցաշխատողն այցելել է տնակում ապրող ընտանիքին
Անհիմն հայտարարություն է, վստահեցնում եմ, որ պետությանը պարտք չենք. «Առինջ Մոլի» տնօրեն
Տնտեսություն
09.04.2019 | 19:18
Անհիմն հայտարարություն է, իրականությանը չի համապատասխանում: Այսպես արձագանքեց «Առինջ Մոլի«» տնօրեն Սաամվել Հակոբյանը Factor.am-ի դիտարկմանը, թե ՊԵԿ-ը հայտարարում է, որ մոլը հարկեր չի վճարել։
«ՊԵԿ-ը չի կարող նման հայտարարություն անել, քանի որ քննությունը չի ավարտվել: Դա անհիմն հայտարարություն է, ոչ մեկ իրավունք չունի «Առինջ Մոլի» անվան հետ խաղալ»,- ընդգծեց նա:
Factor.am-ի հարցին՝ վստահեցնո՞ւմ է, որ քննության վերջում չի պարզվելու, որ պետությանը խոշոր գումար են պարտք, տնօրենն արձագանքեց. «Այո՛, մենք առանց թերացումների ենք աշխատել»:
Անդրադառնալով իր աշխատասենյակից առգրավված փաստաթղթերին՝ Սամվել Հակոբյանն ասաց, որ դրանց բացակայությունը խոչընդոտելու է իրենց աշխատանքին:
Հիշեցնենք, որ այսօր վաղ առավոտից ՊԵԿ հետախուզական վարչությունը ստուգումներ էր անցկացնում Գագիկ Ծառուկյանին պատկանող «Առինջ Մոլում»:
Մանրամասները՝ տեսանյութում:
Նարեկ Կիրակոսյան
