ԵնթաԴՐՈՒԹՅՈՒՆ. Հարկերը թաքցնող ընկերությունների դեմ պայքարն ինչպե՞ս կանդրադառնա ներդրումային միջավայրի վրա․ ՏԵՍԱՆՅՈՒԹ

Հայաստանի վարչապետ Նիկոլ Փաշինյանը, անդրադառնալով «Սպայկա» ընկերության կողմից մթերումները դադարեցնելու հայտարարությանը, երեկ ասաց, որ կառավարության, գյուղացու հետ որևէ մեկը չի կարող շանտաժի լեզվով խոսել։ Այսօր էլ նա կարծիք հայտնեց, որ ընկերության ղեկավարությունը չի գնա բոյկոտի՝ կորցնելով միիոնավոր դոլարներ։

Հիշեցնենք՝ «Սպայկա» ընկերության տնօրենը երեկ կալանավորվեց։ Նա մեղադրվում է ավելի քան 7 միլիարդ դրամի հարկեր թաքցնելու համար։ Հարուցված քրեական գործի հետևանքով 100 միլիոն դոլարի ներդրումը, որի մեծ մասը վարկի տեսքով հատկացնելու էր Եվրասիական զարգացման բանկը, կասեցվել է։

Նիկոլ Փաշինյանն այսօր նշեց, որ իր կողմից եղել է լուռ միջնորդություն՝ ամեն ինչ անել այնպես, որ ընկերության գործունեությունը չխաթարվի, սակայն ընկերության կողմից իրավապահների գործողությունների նկատմամբ ոչ պատշաճ վերաբերմունք է եղել։ Հայաստանի խոշորագույն ընկերություններից մեկի ղեկավարի նկատմամբ սկսված քրեական հետապնդումը ոմանք համարում են վտանգավոր ազդակ, որը կարող է բացասաբար անդրադառնալ Հայաստանի՝ ներդրումային գրավչության վրա։ Մինչդեռ կառավարությունում վստահ են՝ հարկերը թաքցնող ընկերությունների դեմ անզիջում պայքարը վերջնարդյունքում միայն բարելավելու է Հայաստանի ներդրումային միջավայրը, քանի որ հավասար պայմաններ է ստեղծելու բոլորի համար։

Ի վերջո՝ եթե կառավարությունը շարունակի անզիջում պայքարը հարկերը թաքցնող ընկերությունների, այդ թվում՝ դաշտում գերիշխող դիրք ունեցողների դեմ, դա ինչի՞ կարող է հանգեցնել։

Մանրամասները՝ տեսանյութում:

Շողիկ Գալստյան