09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Արցախի հարց գոյություն չունի, մենք խնդիրը լուծել ենք. Լևոն Շիրինյան. ՏԵՍԱՆՅՈՒԹ
Քաղաքականություն
09.04.2019 | 17:30
Արցախի հարց գոյություն չունի, արհեստական հարց է. մենք լուծել ենք՝ Արցախն ազատագրված է, պետությունը կայացած է: Այսօր լրագրողների հետ զրույցում նման կարծիք հայտնեց քաղաքագետ Լևոն Շիրինյանը:
«Հիմա էլ արհեստական բանավեճի նման բան է առաջացել՝ մարզ, միացնել-չմիացնել: Ասեմ հետևյալը. եթե պետությունը չունի ինքնուրույն բանակ, սեփական դրամ, ֆինանսական համակարգ, արտաքին քաղաքականություն և այլն, արդեն այն պետությունը չի: Դա մոտավորապես նույնն է, ինչ Գերմանիայում Բավարիան է: Զուր տեղը դա չօգտագործվի՝ ո՛չ ներսից, ո՛չ դրսից, պառակտումների, հոգեբանական ճնշումների համար»,- ասաց նա: Ինչ վերաբերում է Արցախը Հայաստանին միավորելուն, Լևոն Շիրինյանի կարծիքով՝ երբ համաշխարհային իրադրությունը հարմար կլինի, որոշում կկայացվի:
«Բայց ես, օրինակ, կողմնակից եմ դաշնային պետությանը՝ պայմանագրով, որովհետև դա ներքին ինքնավարություն է և այլն»,- հավելեց քաղաքագետը: Ըստ Լևոն Շիրինյանի՝ մեր նորագույն պատմության ընթացքում համաշխարհային քաղաքականության մեջ պետություն ստեղծելու առումով նման բարենպաստ իրավիճակ չենք ունեցել:
«Կարծում եմ՝ մեզ համար գլխավոր հարցը պետականաշինությունն է: Եթե մենք պետականաշինության մեջ հաջողություն չունեցանք, մենք դատապարտված ենք մեր հայրենիքում չապրելուն»,- նշեց նա:
Մանրամասները՝ տեսանյութում:
