20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Քոչարյանի պաշտպանն արձագանքում է ՀՔԾ պետին. ՏԵՍԱՆՅՈՒԹ
Հասարակություն
09.04.2019 | 15:32
Իրենք իրար մեջ էլ չեն որոշել, ի վերջո՝ ինչ են կարծում Ռոբերտ Քոչարյանին անազատության մեջ պահելու հարցով: Լրագրողների հետ զրույցում մեկնաբանելով ՀՔԾ պետ Սասուն Խաչատրյանի հայտարարությունը՝ ասաց ՀՀ երկրորդ նախագահ Ռոբերտ Քոչարյանի պաշտպաններից Հայկ Ալումյանը:
«Ինձ հետաքրքիր է՝ քանի կարծիք կարող է ունենալ մի պետական մարմին: Օրինակ՝ այսօր քննիչն այստեղ է և պնդելու է, որ Ռոբերտ Քոչարյանը, մնալով ազատության մեջ, ոչ միայն կարող է խոչընդոտել քննությանը, այլև պնդում են, որ կարող է նաև թաքնվել քննությունից: Սասուն Խաչատրյանը հայտարարություն է անում ու նշում, որ պարոն Քոչարյանը կարող է խոչընդոտել քննությանը, ու ոչինչ չի ասում իրենց այն պնդման մասին, որ պարոն Քոչարյանը, իբր, կարող է թաքնվել քննությունից»,- ասաց փաստաբանը:
Իսկ իրականությունը, ըստ պաշտպանի, այն է, որ Ռոբերտ Քոչարյանը, մնալով ազատության մեջ, ոչ միայն չի խոչընդոտի քննությանը, այլև չի թաքնվի քննությունից. «Այն, ինչ առաջին ատյանի դատարանը հաստատված համարեց»: «Պարոն Քոչարյանն օգոստոսի 13-ից մինչև դեկտեմբերի 7-ը մնացել է ազատության մեջ և չի կատարել որևէ գործողություն, որից հնարավոր լիներ ենթադրել, որ ինքը մտադրություն ունի գործի քննությանը խոչընդոտել կամ թաքնվել քննությունից»,- ասաց Հայկ Ալումյանը:
Մանրամասները՝ տեսանյութում:
Լիլիթ Շաբոյան
