Քաղաքականություն
09.04.2019 | 15:01Ազգային ժողովի Պաշտպանության և անվտանգության հարցերի մշտական հանձնաժողովում ՀՀ ոստիկանության պետի տեղակալ Հովհաննես Քոչարյանը ներկայացրեց որոշման նախագիծ, ըստ որի, ոտիկանությունն օրենքով սահմանված դեպքերում պարտավոր է միջոցներ ձեռնարկել օրենքով նախատեսված պաշտպանության ենթակա անձանց կյանքը, առողջությունը և գույքը պաշտպանելու ուղղությամբ:
Ըստ նախագծի հիմնավորման՝ ՀՀ քրեական դատավարության օրենսգրքի 12-րդ գլխով կանոնակարգվում են քրեական դատավարությանը մասնակցող անձանց պաշտպանությանը վերաբերող իրավահարաբերությունները, սահմանված են պաշտպանության միջոցների տեսակներն ու դրանց իրականացման ընդհանուր սկզբունքները, կիրառման հիմքերը:
Մինչդեռ քրեական դատավարության մասնակիցների պաշտպանության ինստիտուտի ներդրման օրվանից առ այսօր պաշտպանության միջոցների իրականացման կարգը և պայմանները որևէ օրենսդրական ակտով չեն սահմանվել, և օրենքով ուղղակիորեն որև մարմնի նման կարգ սահմանելու լիազորություն վերապահված չէ:
Սահմանված չեն նաև այլ օրենքներով պաշտպանության ենթակա անձանց (օրինակ` դատավոր, դատախազ, քննիչ) պաշտպանության իրականացման հետ կապված հարաբերությունները:
Նախագծի ընդունումը հնարավորություն կտա լրացնել օրենսդրական բացը և իրավական հիմք կստեղծի ինչպես քրեական դատավարության մասնակիցների, այնպես էլ օրենքով պաշտպանության ենթակա այլ անձանց նկատմամբ ոստիկանության կողմից պաշտպանության միջոցների իրականացման կարգը սահմանելու համար:
Նախագիծն ԱԺ լիագումար նիստերի օրակարգ մտցնելու որոշմանը կողմ քվեարկեցին հանձնաժողովի բոլոր անդամները։
Մանրամասները՝ տեսանյութում։
Աղավնի Սուքիասյան
