08.12.2025 | 15:00
Փաշինյանը՝ «եկեղեցու նորոգման մասին» // Միքայել արքեպիսկոպոսը, ըստ պատգամավորի, պետք է վիրահատվի․ ԼՈՒՐԵՐ
Սա հանրապետականի ոգով և մանվելիզմի կիրառմամբ համագումար էր․ դադարեցնում եմ իմ անդամակցությունը ԵԿՄ-ին․ Արա Խուդավերդյան. ՏԵՍԱՆՅՈՒԹ
Քաղաքականություն
08.04.2019 | 18:43
Երեկ վերջապես Հայաստանում կայացավ երկար ձգձգվող ԵԿՄ համագումարը, որը տևեց ավելի քան չորս ժամ, տեղի ունեցավ հապճեպ և արագացված տեմպերով, իսկ զուգահեռ ընթացավ նաև բողոքի ակցիա ԵԿՄ այն անդամների կողմից, որոնք պայքարում էին համագումարին իմ մասնակցության համար։
Այս մասին այսօր հրավիրված մամուլի ասուլիսի ժամանակ, անդրադառնալով ԵԿՄ նախագահի՝ ապրիլի 7-ին կայացած ընտրությանը, ասաց «Կոռնիձոր» ջոկատի հրամանատար Արա Խուդավերդյանը:
«Համագումարին պակասում էին Մանվել Գրիգորյանը և Սերժ Սարգսյանը․ գրեթե որևէ բան չէր փոխվել, կազմը նույն էր՝ լեփ-լեցուն օլիգարխներով, Կառավարության ներկայացուցիչներով, պետական այրերով, իսկ մանդատները տարերային ձևով էին բաշխվել, որոնք նաև վերահսկվում էին»,- ասաց Խուդավերդյանը՝ նշելով, որ ԵԿՄ մանդատաբաշխությունը կատարվել է ազատամարտի մասնակիցների իրավունքների ոտնահարմամբ։
Արա Խուդավերդյանը նկատեց նաև, որ դահլիճում ազատամարտիկները կազմում էին ներկաների ընդամենը 10 տոկոսը:
«Աղքատ երկրապահի ներկայացուցիչները գտնվում էին դահլիճի հետևում, իսկ քաղաքական և պետական այրերը՝ դահլիճի առջևում: Սա հապճեպության մեջ, հանրապետականի ոգով և մանվելիզմի կիրառմամբ համագումար էր, որի կազմը բաղկացած էր օլիգարխիկ համակարգից»,- ասաց Արա Խուդավերդյանը:
Արա Խուդավերդյանն ասուլիսի մասնակիցներին ցույց տվեց ԵԿՄ անդամի իր տոմսը՝ հայտարարելով, որ սուտ են տարածվող լուրերը, թե ինքը ԵԿՄ անդամ չէ, ապա հավելեց, որ դադարեցնում է իր անդամակցությունը ԵԿՄ-ին:
Մանրամասները՝ տեսանյութում։
Աղավնի Սուքիասյան
