02.07.2026 | 22:50
Հաստատվել է ՀՀ 2027-2029 թթ. պետական միջնաժամկետ ծախսերի ծրագիրը
ԵնթաԴՐՈՒԹՅՈՒՆ. ԱԱԾ-ի պայքարը ապատեղեկատվություն տարածող ֆեյքերի դեմ ի՞նչ հետևանք կունենա. ՏԵՍԱՆՅՈՒԹ
Հասարակություն
08.04.2019 | 19:00
Վարչապետ Նիկոլ Փաշինյանի՝ ԱԱԾ տնօրեն Արթուր Վանեցյանին ուղղված հանձնարարականից հետո՝ «պայքար» սկսել մամուլի մանիպուլյատիվ լուրերի ու սոցցանցերում ֆեյքերի կողմից տարածվող ապատեղեկատվության դեմ, ֆեյսբուքյան կեղծ օգտատեր է ձերբակալվել։
Օրերս ԱԱԾ տնօրենը Factor.am-ի հարցին ի պատասխան տեղեկացրեց, որ ձերբակալվածը «Դուխով Հայաստան» անվամբ գրանցված ֆեյքն է։ Վանեցյանը նաև հայտնեց, որ հարուցված է քրեական գործ՝ ազգային-ռասսայական խտրականության տարածման հիմքով։
Այնուհանդերձ՝ կեղծ լուրերի տարածման կանխմանն ուղղված այս հանձնարարականը միանշանակ չի ընկալվում, հնչում են մտավախություններ, որ սա կարող է վերածվել խոսքի ազատության դեմ մահակի։
Եթե Ազգային անվտանգության ծառայությունը շարունակի պայքարը ապատեղեկատվություն և մանիպուլյատիվ նյութեր տարածող ֆեյքերի դեմ, ապա ի՞նչ հետևանք կունենա դա:
Թեմայի շուրջ Factor.am-ը զրուցել է ԱԺ «Լուսավոր Հայաստան» խմբակցության պատգամավոր Անի Սամսոնյանի, ԱԺ «Իմ քայլը» խմբակցության պատգամավոր Վահագն Թևոսյանի, ԱԺ «Իմ քայլը» խմբակցության պատգամավոր Վիկտոր Ենգիբարյանի, ԱԺ «Իմ քայլը» խմբակցության պատգամավոր Թագուհի Ղազարյանի, ԱԺ «Բարգավաճ Հայաստան» խմբակցության պատգամավոր Գևորգ Պետրոսյանի հետ։
Մանրամասները՝ տեսանյութում։
Շողիկ Գալստյան
