02.11.2024 | 12:34
Հայաստանը Չեխիայում ռազմական կցորդ ունի
Նաիրա Զոհրաբյանը ոչ մեկին ԱԺ չի հրավիրել. Արման Աբովյան․ ՏԵՍԱՆՅՈՒԹ
Քաղաքականություն
08.04.2019 | 15:23
Այսօր փորձում են խաբել ժողովրդին և փորձել այս իրավիճակն ինչ-որ կերպ կապել Նաիրա Զոհրաբյանի հետ: Factor.am-ի հետ զրույցում ասաց ԱԺ ԲՀԿ խմբակցության քարտուղար Արման Աբովյանը՝ անդրադառնալով տեղեկությանը, թե խորհրդարանի ամբիոնից ելույթ ունեցած տրանսգենդերին Նաիրա Զոհրաբյանն է հրավիրել Ազգային ժողով:
«Նա, ով ասում է, որ այդ տխրահռչակ տրանսգենդերն Ազգային ժողով է եկել տիկին Զոհրաբյանի ստորագրությամբ, ինչ-որ թղթեր էին ցույց տալիս, դա բացահայտ սուտ է: Ոչ մեկին այս լսումներին հրավեր չի եղել»,- ասաց Արման Աբովյանը:
Նրա խոսքով՝ օգտվելով մարդկանց անտեղյակությունից՝ փորձում են մանիպուլյացիա անել և օգտագործել մարդկանց:
«Լսումները բաց էին, և ով ցանկանար, կարող էր ներկա լինել: Այստեղ խնդիրն այլ է. մենք շատ լավ գիտենք, թե ովքեր են ու ոնց են ուղղորդում այդ շարժումները և այդ մարդկանց Հայաստանում: Պետք չէ հիվանդ գլխից առողջի վրա գցել»,- հայտարարեց պատգամավորը:
Մանրամասները՝ տեսանյութում:
Մհեր Արշակյան
