21.04.2026 | 15:46
Պետությանը պատճառված 326 մլն դրամի վնասը վերականգնվել է․ ՔԿ
Զինվորների առողջական խնդիրները ՊՆ-ի կողմից պատշաճ չեն վերահսկվում․ Ժաննա Ալեքսանյան․ ՏԵՍԱՆՅՈՒԹ
Քաղաքականություն
08.04.2019 | 14:29
Իրավապաշտպան Ժաննա Ալեքսանյանն այսօր կազմակերպված «Խոշտանգումներ և բռնություններ բանակում. ինչպե՞ս բարեփոխել իրավիճակը» թեմայով քննարկման ժամանակ անդրադարձավ բանակում տեղի ունեցող միջադեպերին ու խնդիրներին՝ նշելով, որ, մասնավորապես, զինվորների առողջական խնդիրները Պաշտպանության նախարարության կողմից պատշաճ չեն վերահսկվում, զորակոչվածները չեն ստանում անհրաժեշտ բուժում՝ առողջությունը վերականգնելու համար:
«Օրինակ՝ Յուրի Բրոյանի գործը: Զինվորը շարունակում է պահվել ռազմական ոստիկանությունում, այս անգամ այլ բաժին տեղափոխեցին, որովհետև նախորդում նրան խոշտանգում էին: Երբ մենք ստանձնեցինք այդ գործը, նա անգամ չէր խոսում։ Հիմա նա կարողանում է խոսել՝ շնորհիվ մեր միջնորդություններով նրա ստացած ներարկումների։ Սակայն հիմա էլ կարիք ունի տևական բուժման, որպեսզի նրա նյարդային վիճակը վերականգնվի»,- ասաց Ժաննա Ալեքսանյանը:
Նա հիշեցրեց, որ թեև Բրոյանն ունեցել է առողջական խնդիրներ, սակայն Պաշտպանության նախարարությունը նրան «ստիմուլյանտ» է համարել։
Մանրամասները՝ տեսանյութում:
Աղավնի Սուքիասյան
