07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Արդյոք այս նախագիծը չի՞ բերելու գազի թանկացման․ ԼՀԿ-ական պատգամավորը՝ փոխնախարարին․ ՏԵՍԱՆՅՈՒԹ
Քաղաքականություն
08.04.2019 | 13:18
Ազգային ժողովի ապրիլի 8-ի արտահերթ նիստում քննարկվում է Հայաստանի Հանրապետության հարկային օրենսգրքում փոփոխություն կատարելու մասին որոշման նախագիծը։
Նախագծի ընդունման նպատակը սեղմված բնական գազի՝ ակցիզային հարկով հարկման համար հիմք հանդիսացող չափման միավորի փոփոխությամբ տրանսպորտային միջոցը գազով շահագործող շուրջ 700 հազար սպառողների իրավունքների պաշտպանությունն է և այս ոլորտում իրականացվող հարկային վարչարարության արդյունավետության բարձրացումը:
Նախագծով առաջարկվում է սեղմված բնական գազի՝ ակցիզային հարկով հարկման նպատակով կիրառվող չափման միավորը՝ 1000 խորանարդ մետրը, փոխարինել 1 տոննայով՝ զուգահեռաբար վերահաշվարկելով նաև ակցիզային հարկի դրույքաչափը:
Մասնավորապես, նախագծով առաջարկվում է չափման միավորը վերանայել՝ հիմք ընդունելով սեղմված բնական գազի 1 խորանարդ մետրի և 1 կիլոգրամի փոխհարաբերակցության տեսությամբ ու գիտականորեն ընդունվող մեծությունը (1խմ = 0.717կգ): Այս պարագայում 1 տոննա սեղմված բնական գազի ակցիզային հարկի դրույքաչափին համապատասխանող հաշվարկային մեծությունը կկազմի շուրջ 34867 դրամ, իսկ նախագծով առաջարկվում է դրույքաչափը սահմանել մի փոքր ավելի ցածր մակարդակում՝ 1 տոննայի հաշվով 34000 դրամ:
Ազգային ժողովի «Լուսավոր Հայաստան» խմբակցության պատգամավոր Արկադի Խաչատրյանը նախագծի հիմնական զեկուցող ՀՀ ֆինանսների նախարարի տեղակալ Արման Պողոսյանից հետաքրքրվեց՝ արդոք այս կարգավորումը չի՞ բերի նրան, որ կավելանա տնտեսվարողների հարկային բեռը, ինչն էլ կհանգեցնի գազի թանկացման։
Պատգամավորի հարցին ի պատասխան՝ փոխնախարարը վստահեցրեց, որ չհիմնավորված թանկացումներն ու չարաշահումները կանխելու համար ապավինելու են ՏՄՊՊՀ-ին և այդ կառույցի ողջ գործիքակազմին։
Մանրամասները՝ տեսանյութում։
Աղավնի Սուքիասյան
