09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Իմքայլական պատգամավորը «Քաղաքացու օրը» համարում է ժամանակավոր լուծում․ ՏԵՍԱՆՅՈՒԹ
Քաղաքականություն
08.04.2019 | 12:28
Ազգային ժողովի «Իմ քայլը» խմբակցության պատգամավոր Միքայել Զոլյանի համոզմամբ՝ 2018 թվականի ապրիլյան հեղափոխությունը բացառիկ երևույթ էր, իսկ դրան նվիրված «Քաղաքացու օր» սահմանելու մասին օրենքի ընդունումը՝ ժամանակավոր լուծում։
«Այս քայլը համարում եմ ժամանակավոր լուծում։ Մենք դեռ պետք է հասկանանք՝ արդյոք մեր ժողովուրդը այս տոնն ընկալո՞ւմ է: Եթե չի ընկալում, ապա պետք է հրաժարվենք դրանից, իսկ եթե ընկալում է, ապա պետք է մտածենք այն ոչ աշխատանքային օր դարձնելու մասին»,- ասաց իմքայլական պատգամավորը։
Հիշեցնենք, որ Կառավարության նախաձեռնությամբ հրավիրված ԱԺ արտահերթ նիստում քննարկվում է «Տոների և հիշատակի օրերի մասին» օրենքում լրացում կատարելու մասին» որոշման նախագիծը, որով առաջարկվում է օրացուցային մեկ տոն ևս ավելացնել, ու այն նշել ապրիլի վերջին շաբաթ օրը:
Այն դեպքում, երբ Մայիսի 1-ը կհամընկնի շաբաթ օրվա հետ, ապա որպես Հայաստանի Հանրապետության քաղաքացու օր կնշվի ապրիլի վերջին կիրակի օրը:
Մանրամասները՝ տեսանյութում։
Աղավնի Սուքիասյան
