13.01.2025 | 12:31
Կատալիզատորների գողությունը 12 անգամ նվազել է. Պապոյան․ ՏԵՍԱՆՅՈՒԹ
Արարատ Միրզոյանը Կատարում հանդիպել է Կիպրոսի խորհրդարանի ղեկավարի հետ
Քաղաքականություն
07.04.2019 | 15:17
ԱԺ-ից տեղեկացնում են, որ միջխորհրդարանական միության 140-րդ նստաշրջանի շրջանակում Ազգային ժողովի
նախագահ Արարատ Միրզոյանն ապրիլի 7-ին հանդիպել է Կիպրոսի Հանրապետության Ներկայացուցիչների պալատի նախագահ Դեմետրիս Սիլուրիսի հետ։
Ազգային ժողովի նախագահն ընդգծել է երկու բարեկամ ժողովուրդների միջև ստեղծված ամուր կապերը, որոնք պայմանավորված են պատմամշակութային, հոգևոր և արժեհամակարգային ընդհանրություններով։ Արարատ Միրզոյանը նշել է, որ Կիպրոսն առաջին երկիրն էր Եվրոպայում և երկրորդն աշխարհում, որը ճանաչել է Հայոց
ցեղասպանությունը և դատապարտել այս ոճրագործությունը։ Հայաստանի Հանրապետության Ազգային ժողովն էլ իր հերթին միաձայն ընդունել է Օսմանյան կայսրության կողմից Պոնտոսի հույների և ասորիների նկատմամբ իրականացվածցեղասպանությունը դատապարտող հայտարարություն։
Հայաստանի խորհրդարանի ղեկավարն իր խոսքում կարևորել է եղբայրական Կիպրոսի խորհրդարանի կողմից ՀՀ-ԵՄ Համապարփակ և ընդլայնված գործընկերության համաձայնագրի՝ սեղմ ժամկետներում վավերացման խնդիրը։
Կիպրոսի խորհրդարանի ղեկավարը, ողջունելով իր պաշտոնակցին, նշել է, որ ՀՀ-ԵՄ համաձայնագիրը նախորդ շաբաթ արդեն իսկ ուղարկվել է օրենսդիր մարմին և հավաստիացրել, որ այն կվավերացվի սեղմ ժամկետներում։ Դեմետրիս Սիլուրիսը հրավիրել է Արարատ Միրզոյանին պաշտոնական այցով հյուրընկալվել Կիպրոսում.
Ազգային ժողովի նախագահը սիրով ընդունել է հրավերը։ Զրուցակիցները հանդիպման ընթացքում քննարկել են նաև Կիպրոս-ՀայաստանՀունաստան խորհրդարանական համագործակցության եռակողմ ձևաչափ ստեղծելու առաջարկը և պատրաստակամություն հայտնել ջանքեր գործադրելու նախաձեռնության կյանքի կոչման ուղղությամբ։
