10.09.2026 | 12:43
ՌԴ-ից Ադրբեջանի տարածքով Հայաստան է ուղարկվել 20 վագոն գարի և 21 վագոն ցորեն
Դեսպան Ռաիսա Վարդանյանը պարգևատրվել է «Խաղաղության և ժողովուրդների միջև բարեկամության» հուշամեդալով
Քաղաքականություն
05.04.2019 | 22:12
Ապրիլի 5-ին Հանոյի Բարեկամության պալատում Վիետնամական բարեկամության միությունների կազմակերպության (The Vietnam Union of Friendship Organizations) կողմից Վիետնամում Հայաստանի դեսպան Ռաիսա Վարդանյանը պարգևատրվեց «Խաղաղության և ժողովուրդների միջև բարեկամության» հուշամեդալով։
Այս մասին ՀՀ ԱԳՆ լրատվական ծառայությունից տարածած հաղորդագրության մեջ ասված է.
«Մրցանակը հանդիսանում է Վիետնամական բարեկամության միությունների կազմակերպության բարձրագույն պարգևը։ Պարգևատրման հանդիսավոր արարողության ընթացքում ելույթներով հանդես եկան Վիետնամի բարեկամության միությունների կազմակերպությունների նախագահ, դեսպան Նգույեն Ֆուոնգ Նգան (Nguyen Phuong Nga) և Հայ-վիետնամական բարեկամության կազմակերպության նախագահ Նգույեն Վան Տուանը (Nguyen Van Thuan)։ Դեսպան Վարդանյանն իր խոսքում նշեց, որ Վիետնամի և Հայաստանի միջև բարեկամական հարաբերությունները հիմնված են երկու ժողովուրդների պատմական ավանդույթների և արժեքների վրա, ինչպես նաև անդրադարձավ տնտեսության, առևտրի, կրթության, տեխնոլոգիաների փոխանակման, մշակույթի ոլորտներում երկու երկրների միջև դինամիկ զարգացող համագործակցությանը»։
