21.12.2025 | 18:21
Իրավիճակը ՀՀ ավտոճանապարհներին՝ 17։30-ի դրությամբ
Աժ ամբիոնից տրանսգենդեր կնոջ ելույթը հունից հանեց Մարդու իրավունքների հանձնաժողովի նախագահին․ ՏԵՍԱՆՅՈՒԹ
Քաղաքականություն
05.04.2019 | 17:57
Այսօր Ազգային ժողովում «Մարդու իրավունքների ազգային օրակարգ. ՄԱԿ-ի համընդհանուր պարբերական դիտարկում» թեմայով խորհրդարանական լսումների ժամանակ ելույթով հանդես եկավ տրանսգենդեր Լիլիթ Մարտիրոսյանը:
Նա իր ելույթում նշեց․ «Մի քանի ամիս առաջ անհնար էր երևակայել այն, ինչ այսօր իրականություն է հետհեղափոխական Հայաստանում: ՀՀ ԱԺ ամբիոնից ձեզ եմ դիմում ես՝ տրանսգենդեր կին, բայց խնդրում եմ ինձ որպես հավաքական կերպար ընդունեք: Հանդիսանալով որպես հայ տրանսգենդեր անձանց համայնքի անդամ և «Իրավունքի կողմ» իրավապաշտպան ՀԿ նախագահ՝ ես իմ մեջ ամփոփում եմ խոշտանգված, բռնաբարված, առևանգված, այրված, ողջակիզված, դանակահարված, սպանված, մահափորձի ենթարկված, արտագաղթած, խարանի ու խտրականության ենթարկված հայ տրանսգենդերի կերպարը»:
Տրանսգենդերի ելույթին արձագանքեց նիստը վարող ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահ, «Բարգավաճ Հայաստան» խմբակցության պատգամավոր Նաիրա Զոհրաբյանը։ Նա հունից դուրս եկավ ու նշեց, որ ԱԺ-ում բարձրացվեց մի հարց, որը չի եղել այսօրվա նիստի օրակարգում։
«Օգտվել առիթից և այս պահին բարձրացնել հարց, որը չկա մեր օրակարգում, ես սա համարում եմ անհարգալից վերաբերմունք առաջին հերթին իմ հանդեպ՝ որպես հանձնաժողովի նախագահ, և երկրորդ՝ խորհրդարանի հանդեպ: Դուք խախտել եք օրակարգը»,- ասաց Նաիրա Զոհրաբյանը։
Մանրամասները՝ տեսանյութում։
