03.09.2026 | 20:30
Ատոմակայանի թիվ 2 էներգաբլոկը վերագործարկվել և միացվել է ՀՀ միասնական էներգահամակարգին
ՊԵԿ-ի հետապնդումն եմ տեսնում «Սպայկայի» նկատմամբ. Դավիթ Ղազարյան. ՏԵՍԱՆՅՈՒԹ
Հասարակություն
05.04.2019 | 16:18
«Սպայկա» ընկերության տնօրեն Դավիթ Ղազարյանն այսօր հրավիրված մամուլի ասուլիսին հայտարարեց՝ ընկերության շուրջ ստեղծված աղմուկի պատճառով Եվրասիական զարգացման բանկը հրաժարվել է տրամադրել 100 մլն դոլար վարկը, որը ընկերության հաշվին պետք է նստեր երկուշաբթի օրը։
«Ասացին, չեն կարող ֆինանսավորել, քանի որ ձեր նկատմամբ կա քրեական հետապնդում»,- շեշտեց Ղազարյանը՝ շարունակելով. «Իմ անձնական կարծիքն է, որ «Գրինպրոդուկտ»-ում և «Վիլիջ պրոդուկտ»-ում չկարողանալով փակել իրենց թեմաները, փորձագիտական եզրակացության հիման վրա ամեն ինչը կապեցին «Սպայկա»-ի հետ և ասացին, որ իրականում «Սպայկա»-ն «Գրին Պրոդուկտ»-ի իրական սեփականտերն է, որը սուտ է։ Ասում են, Դավիթ Ղազարյանն է կուռացիա անում, ամեն ինչ ինքն է կազմակերպում։ Ես երեկ անակնկալի եկա, երբ հարգարժան քննիչի մոտ տեսա մի մեծ սերվանդ, բաղկացած 150 մեծ պապկայից։ Դա «Սպայկա»-ի գործն էր։ Ասում եմ, բա ինչի՞ մի հատ հարցում չեք անում, բա կարող է մենք համաձայն ենք, ենթադրենք այդ ամեն ինչը վճարենք։ Մենք փախե՞լ ենք։ Մենք միշտ ձեր կողքը եղել ենք, չէ՞։ Ինձ ասում են կամ ստորագրում ես, կամ կալանավորվում ես։ Ես ՊԵԿ-ի հետապնդումն եմ տեսնում «Սպայկա»-ի նկատմամբ բառիս բուն իմաստով, ով ոնց ուզում է՝ հասկանա»,- հայտարարեց ընկերության տնօրենը։
Մանրամասները՝ տեսանյութում:
Շողիկ Գալստյան
