17.01.2026 | 18:22
ՀՀ տարածքում կան փակ ավտոճանապարհներ
Ի՞նչ տարբերություն՝ ով է դատավորների վրա փորձում ազդել՝ պաշտոնյան, թե՞ հանրությունը․ Անի Սամսոնյան․ ՏԵՍԱՆՅՈՒԹ
Քաղաքականություն
05.04.2019 | 15:13
Ազգային ժողովի «Լուսավոր Հայաստան» խմբակցության պատգամավոր Անի Սամսոնյանն այն համոզմանն է, որ եթե հեղափոխությունից հետո իշխանության երկու թևերում տեղի ունեցած փոփոխություններն ակնհայտ են, ապա նույնը չի կարելի ասել դատական իշխանության վերաբերյալ, թեև կար կարծրացած պատկերացում, որ եթե գործադիրից դատավորներին չեն հրահանգում, դա պետք է ապահովեր նրանց անկախությունը, սակայն իրականությունն այլ է։
Այս մասին այսօր Ազգային ժողովում «Մարդու իրավունքների ազգային օրակարգ. ՄԱԿ-ի համընդհանուր պարբերական դիտարկում» թեմայով խորհրդարանական լսումների ժամանակ ասաց պատգամավորը՝ հիշեցնելով, որ վերջին շրջանում դատավորները թիրախավորվել են հանրության կողմից։
Ըստ պատգամավորի՝ ստացվում է, որ տարիներ շարունակ այն հանրությունը, որը բողոքել է դատավորներից իշխանությունից կախյալ վիճակում լինելու համար, այժմ ինքն է հախուհաշիվ պահանջում այդ նույն դատավորներից իրենց կայացրած որոշումների համար։
«Իշխանությունը կամք է գործադրում իր կողմից դատավորների վրա արտաքին ազդեցության և միջամտության գործոնը վերացնելու համար, մյուս կողմից՝ ձևավորվում է հանրային այդ վտանգավոր միտումը. իսկ ի՞նչ տարբերություն, ո՞վ է արտաքին միջամտության սուբյեկտը՝ պաշտոնյան, թե՞ քաղաքացին»,- նկատեց Սամսոնյանը։
Մանրամասները՝ տեսանյութում։
Աղավնի Սուքիասյան
