16.01.2026 | 15:07
Սուրեն Պապիկյանն այցելել է ՊՆ զորամասերից մեկը
Եթե ժողովուրդն է երկրի տերը, ապա ինչպե՞ս են վերևներում ինչ-որ բաներ որոշում և իրականացնում․ Նիկոլայ Ծատուրյան. ՏԵՍԱՆՅՈՒԹ
Մշակույթ
05.04.2019 | 13:50
«Վերջին շրջանում մշակույթի ոլորտում տեղի ունեցող իրադարձությունները թույլ են տալիս հարց հնչեցնել՝ եթե ժողովուրդն է երկրի տերը, ինչպես պնդում է պարոն Փաշինյանը, ապա ինչպե՞ս են վերևներում ինչ-որ բաներ որոշում և իրականացնում: Այդ դեպքում դառնում է ոչ թե ժողովրդավարություն, այլ հրամանավարություն»,- այս մասին այսօր լրագրողների հետ հանդիպմանն ասաց ժողովրդական արտիստ Նիկոլայ Ծատուրյանը։
Ըստ նրա՝ ժողովրդին պարզապես տեղյակ պահեցին, որ Կոնստանտին Օրբելյանին փոխում են, բայց Ծատուրյանը կարծում է, որ կարող էին գնալ, անձնակազմի հետ խոսել, բացատրել, թե ինչու են այդպես վարվում։
«Ես տեսա, թե ինչպես պարոն Փաշինյանը եկավ, կետ առ կետ բացատրեց պատճառը՝ ասելով, որ եթե այդ տեղեկությունը սխալ է, ապա ինքը կպատժի այն իրեն փոխանցողներին»,- ասաց դերասանը։
Ըստ դերասանի՝ մշակույթի նախարարի պաշտոնակատար Նազենի Ղարիբյանը մինչ որոշում կայացնելը պետք է խոսեր անձնակազմի հետ, բացատրեր՝ ինչու է նման որոշում կայացվում։
Մանրամասները՝ տեսանյութում։
Շողիկ Գալստյան
