13.08.2026 | 13:07
Ադրբեջանցի մասնագետները 2025 թվականի սեպտեմբերին են ՀՀ տարածքում ուսումնասիրություն իրականացրել. Փաշինյան. ՏԵՍԱՆՅՈՒԹ
Մենք բազմաթիվ պարտականությունների հարցում ունենք մտահոգիչ վիճակ․ Նաիրա Զոհրաբյան․ ՏԵՍԱՆՅՈՒԹ
Հասարակություն
05.04.2019 | 12:31
Ազգային ժողովում այսօր՝ ապրիլի 5-ին, սկսվեցին «Մարդու իրավունքների ազգային օրակարգ. ՄԱԿ-ի համընդհանուր պարբերական դիտարկում» թեմայով խորհրդարանական լսումները:
Նիստը վարող ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահ, ԲՀԿ խմբակցության պատգամավոր Նաիրա Զոհրաբյանի խոսքով՝ այս պարբերական դիտարկումը կարևոր հարթակ է հանդիսանալու նախորդ դիտարկումների ընթացքում արձանագրված պարտավորությունների ընթացքն ու մարդու իրավունքների պաշտպանության հարցում ստանձնած պարտավորությունների կատարման ընթացքը ամփոփելու համար։
«Մենք բազմաթիվ պարտականությունների հարցում ունենք մտահոգիչ վիճակ։ Ունենք ստանձնած բազմաթիվ միջազգային պարտավորություններ, որոնց կատարման հարցում սահմանված ժամանակացույցից հետ ենք ընկել»,- ասաց Զոհրաբյանը։
Նրա խոսքով՝ այս միջոցառումը նպատակ ունի խթանել համագործակցությունը պետական իշխանության բոլոր մարմինների և հասարակական կազմակերպությունների, միջազգային և դիվանագիտական կառույցների միջև՝ մարդու իրավունքների պաշտպանության հարցում։
Անդրադառնալով նոր Հայաստանում այդ ոլորտում առկա բացերին՝ Զոհրաբյանը նշեց, որ այսօր էլ առկա են բազմաթիվ խնդիրներ, և վստահեցրեց այս լսումների ընթացքում չի լինելու որևէ խնդիր, որը չքննարկվի։
Մանրամասները՝ տեսանյութում։
Աղավնի Սուքիասյան
