17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Հեղափոխությունից հետո մշակութային ոլորտում որևէ դրական փոփոխություն նկատելի չէ․ Սունդուկյան թատրոնի աշխատակից. ՏԵՍԱՆՅՈՒԹ
Մշակույթ
05.04.2019 | 13:15
Հեղափոխությունից հետո մշակութային ոլորտում որևէ դրական փոփոխություն նկատելի չէ։ Այս մասին այսօր լրագրողների հետ հանդիպմանն ասաց Գաբրիել Սունդուկյանի անվան թատրոնի գրական մասի ղեկավար, գրող Նելլի Շահնազարյանը՝ անդրադառնալով հեղափոխությունից հետո մշակութային ոլորտում տեղի ունեցած փոփոխություններին։
«Իսկ այն փոփոխությունները, որոնք կատարվում են թատրոնների հետ, թատրոնների օպտիմալացման հետ, վստահորեն ասում եմ՝ ոլորտը չիմանալու խնդիր կա այստեղ, ուզում եմ մասնավորապես անդրադառնալ օպերային թատրոնի շուրջ ստեղված իրավիճակին»,- ասաց Նելլի Շահնազարյանը՝ պատմելով, որ երեկ ականատես է եղել, թե ինչպես է թատրոնում հանդիսատեսը ողջունում մաեստրո Կոստանտին Օրբելյանին։
Նելլի Շահնազարյանն ասաց՝ նրան ողջունեցին այնպես, ինչպես Փաշինյանին ողջունում է ժողովուրդը։
«Ի՞նչ է նշանակում՝ օրենքն այնպես է, այնպես չէ, ինչ օրենք էլ ուզում է լինի պետք է ստորադասվի։ Մենք աշխարհին ներկայացնում ենք ոչ թե օրենքը, այլ օպերան, այստեղ է, որ ամեն ինչ ստորադասվում է արդյունքին»,- ասաց Գաբրիել Սունդուկյանի անվան թատրոնի աշխատակիցը։
Ըստ Շահնազարյանի՝ գրեթե կիսամեռ թատրոնն աշխարհին ներկայանում է հարուստ գործերով։
Մանրամասները՝ տեսանյութում։
Շողիկ Գալստյան
