13.01.2025 | 12:40
ՌԴ-ում Իրանի դեսպանը բացահայտել է Մոսկվա-Թեհրան ռազմավարական համագործակցության համաձայնագրի մանրամասները
ԱԺ «Իմ քայլը» խմբակցության պատգամավորներն առաջարկում են 2008 թ․ Մարտի 1-ին տուժած քաղաքացիներին աջակցություն տրամադրել․ ՏԵՍԱՆՅՈՒԹ
Քաղաքականություն
05.04.2019 | 12:02
Ազգային ժողովի պետաիրավական հանձնաժողովում այսօր քննարկման դրվեց «2008 թվականի մարտի 1-ից 2-ը Երևան քաղաքում տեղի ունեցած իրադարձությունների ժամանակ տուժած անձանց աջակցության մասին» օրենքի նախագիծը։
Նախագծի հեղինակ Լենա Նազարյանը նշեց, որ այս նախագծի ընդունումն ունի հասարակական և քաղաքական նշանակություն, քանի որ այն համահունչ է ԱԺ օրակարգում ընդգրկված անցումային արդարադատության շրջանակներում ձեռնարկվելիք այն միջոցների և հնարավորությունների ստեղծմանը, որոնց նպատակն է վերականգնել քաղաքացիների սահմանադրական խախտված իրավունքներն ու ազատությունները։
«Այդ իրադարձությունների ժամանակ 11 տարի անց էլ տուժած մարդիկ պատշաճ ուշադրության չեն արժանացել և սոցիալական խնդիրների առաջ են կանգնել։ Պետության կողմից տրամադրվել է աջակցություն, սակայն այն եղել է տարբերակված՝ եղել են տուժածներ, որոնք ստացել են շատ մեծ աջակցություն և մինչ օրս էլ շարունակում են ստանալ նպաստների տեսքով: Սրան զուգահեռ, սակայն, կան տուժած քաղաքացիներ, որոնք աջակցություն չեն ստացել՝ բացառապես հուղարկավորությունների համար նրանց ընտանիքներին տրամադրվող անհատական նվիրատվությունները»,- ասաց Լենա Նազարյանը։
Օրինագիծն արժանացավ ԱԺ պետաիրավական հանձնաժողովի դրական եզրակացությանն ու մտավ ԱԺ լիագումար նիստերի օրակարգ։
Մանրամասները՝ տեսանյութում։
Աղավնի Սուքիասյան
