11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ով դա արել է՝ սրբություն չունեցող անձնավորություն է. Օսիպյանը՝ «Եռաբլուրում» մեքենաներից կատարված գողության մասին. ՏԵՍԱՆՅՈՒԹ
Հասարակություն
04.04.2019 | 16:52
ՀՀ ոստիկանապետ Վալերի Օսիպյանն այսօր կառավարության նիստից հետո լրագրողների հետ ճեպազրույցում անդրադարձավ ապրիլի 2-ին «Եռաբլուր» զինվորական պանթեոնում ավտոմեքենաներ թալանելու դեպքին և նշեց, որ արդեն կան կասկածյալներ և իրենք զբաղվում են այդ հարցով։
«Միանշանակ, ես ինքս դատապարտում եմ նման արարքն ու այն էլ այնպիսի վայրում, ինչպիսին «Եռաբլուրն» է։ Բայց ես տեղեկացնում եմ, որ այնպես չէ եղել, ինչպես ներկայացվում է։ Կան մարդիկ, որոնք նշում են, թե դա իրավապահների ներկայությամբ է եղել։ Այո՛, անվտանգությունից ելնելով՝ այնտեղ եղել են ոստիկանության ծառայողներ և այլ գերատեսչությունների ծառայողներ, սակայն երբ օրակարգային միջոցառումն ավարտվել է, ոստիկանների ծառայությունը նույնպես ավարտվել է, և դեպքը տեղի է ունեցել ոստիկանների բացակայության պարագայում՝ այն հատվածներում, որտեղ տեսանելի չէր կարող լինել», – ասաց ոստիկանապետը՝ հավելելով, որ դա արել է, սրբություն չունեցող անձնավորություն։
Հիշեցնենք, որ ապրիլի 2-ին «Եռաբլուր» զինվորական պանթեոնում անհայտ անձինք ավտոմեքենաներ են թալանել, որոնցից մեկը պատկանել է ապրիլյան պատերազմում զոհված կապիտան Արմենակ Ուրֆանյանի մորաքրոջ որդուն։ Նշված մեքենայից հափշտակել են խոշոր չափի գումար:
Մանրամասները՝ տեսանյութում։
